QR Prezidentiniń baspasóz hatshysy Rýslan Jeldibai Memleket basshysynyń Samarqandta ótken Túrki memleketteri uiymynyń sammitindegi málimdemesin túsindirdi, dep habarlaidy "Ult aqparat".
"Samarqandta ótken Túrki memleketteri uiymynyń búgingi sammitinde barlyq memlekettiń territoriialyq tutastyǵyn qoldaý jáne BUU Jarǵysyn saqtaý týraly Prezidenttiń búgingi málimdemesine qatysty BAQ-tan suraqtar kelip túsip jatyr.
Osyǵan bailanysty Memleket basshysy bul málimdemeni Soltústik Kipr Túrik Respýblikasyna Túrki memleketteri uiymynda baqylaýshy mártebesin berý týraly ótinishke orai jasaǵanyn atap ótkim keledi.
Qazaqstan BUU Jarǵysyn jáne halyqaralyq quqyqtyń negizgi qaǵidattaryn dáiekti túrde ustanady. Prezident bul jóninde birneshe ret aitqan", - dep jazdy Rýslan Jeldibai.
Eske salaiyq, Qasym-Jomart Toqaev Samarqandta ótken jiynda Qazaqstan barlyq memlekettiń territoriialyq tutastyǵyn sózsiz qoldaitynyn aitqan bolatyn.
