Rýslan Dálenov Eýraziia Damý Bankiniń basqarma tóraǵasynyń orynbasary qyzmetine taǵaiyndalyp, banktiń jańartylǵan basqarma quramyna endi, dep habarlandy vedomstvonyń resmi saitynda.
Rýslan Dálenov Túrkiiadaǵy Marmara ýniversiteti men Qazaqstandaǵy Qarjy akademiiasyn támamdaǵan.
EADB qyzmetke taǵaiyndalǵanǵa deiin Qazaqstan Respýblikasynyń Ulttyq ekonomika ministrligin basqardy.
Qazaqstan Respýblikasy qarjy vitse-ministri jáne Ulttyq ekonomika birinshi vitse-ministri laýazymynda bolǵan.
Salyq komiteti, Qarjy ministrligi men memlekettik kirister salasynda túrli qyzmetter atqarǵan.
2021 jyldyń aqpanynda jańartylǵan EADB basqarma quramyna basqarma tóraǵasynyń orynbasarlary Sergei Vasilev, Leonid Grachkov, Denis Ilin, Daniiar Imanǵaliev, Amangeldi Isenov, Elena Kýbanova, Iaroslav Mandron, Berik Muhambetjanov, Tigran Sarkisian engen.
Eýraziia Damý Banki (EADB) - Armeniia, Belarýs, Qazaqstan, Qyrǵyzstan, Resei jáne Tájikstannyń integratsiialanýyna jáne damýyna járdemdesetin halyqaralyq qarjy uiymy.
EADB-nyń jarǵylyq kapitaly – 7 mlrd AQSh dollary.
Bankti 2006 jyldyń qańtarynda Resei men Qazaqstan birlesip qurǵan, shtab-páteri - Almaty qalasynda.
