Ulttyq ekonomika ministri Rýslan Dálenov koronavirýs pandemiiasy saldarynan jahandyq daǵdarystyń keltirgen zalaly týraly aityp berdi, dep habarlaidy QazAqparat.
«Barlyq elder qiyndyqtarǵa tap boldy. Esepteýlerge sáikes, qańtar aiynda 160 el ekonomikalyq ósimdi boljaǵan edi, al úsh aidan keiin 170 memleket atalǵan kórsetkish tómendeitinin jariialady. Halyqaralyq sarapshylar qazirgi jahandyq daǵdarys ózgeshe ekenin moiyndady, iaǵni tutynýshylar da, óndirýshiler de shektelip otyr», - dedi R. Dálenov onlain rejimde halyq aldynda esep berý barasynda.
Onyń sózine qaraǵanda, Qazaqstanda kóbine qyzmet kórsetý sektory zardap shekti. Bul turǵyda saýda, kólik, týrizm, qoǵamdyq tamaqtaný jelisi, kinoteatrlar, qonaq úiler tabysynan qaǵyldy. Osy oraida azyq-túlik ótkizetin oryndar men dárihanalardan basqa saýda baǵytynyń qyzmeti baiaýlady.
«Muny sáýir aiyndaǵy statistikadan baiqaýǵa bolady. Sondyqtan dál osy salalarǵa qosymsha salyq yntylandyrýlary usynyldy. Jalpy, shaǵyn jáne orta biznes pen óńdeýshi iri biznes úshin nesieleý tetigi keńeitildi. Keshendi josparda tiisti sharalar eskerilgen. Osy oraida sharalardyń qolaily paketi júzege asyrylyp jatyr dep esepteimin», - dedi ministr.
