Foto: Pexels.com
Shymkent qalalyq soty ákim orynbasary Rýslan Berdenovke qarsy qastandyq jasaǵan is boiynsha sheshim shyǵardy, dep habarlaidy Ult.kz.
Aiypty Ernar Jiembai atys oqiǵasyna bailanysty 9 jylǵa bas bostandyǵynan aiyrylyp, jazasyn ortasha qaýipsizdik mekemesinde óteitin boldy.
Sonymen qatar sot úkimimen ol jábirlenýshiniń paidasyna 30 ailyq eseptik kórsetkishke teń ótemaqy tóleýge mindetteldi. Soma kólemi – 118 890 teńge.
Aita keteiik, Rýslan Berdenov bul qarajatty ózine em kórsetken aýrýhanaǵa kólik satyp alý úshin bergisi kelgenin málimdegen.
Oqi otyryńyz: Berdenovke qastandyq isi: Sot protsessi qalai ótip jatyr?
