Aqtóbede kópqabatty úidiń aýlasynda áieldi pyshaqtap óltirdi. Kúdikti retinde Atyraý qalasynyń 28 jastaǵy turǵyny ustalyp, ýaqytsha ustaý izoliatoryna qamaldy, dep habarlaidy ult.kz.
Beinebaqylaý kamerasyna túsip qalǵan kadrlarda er adamnyń áielmen sóilesip turyp, keiin onyń artynan baryp pyshaq suqqany kórinedi. Artynsha áieldi súirep, qýysqa alyp ketken.
Politsiianyń málimetinshe, kúdikti men marqum burynnan tanys bolǵan. Janjal kezinde er adam áielge pyshaq jaraqatyn salyp, ol oqiǵa ornynda kóz jumǵan. Qazir qylmystyń sebepteri anyqtalyp jatyr.
