Rýmyniianyń Klýj-Napoka qalasynda Qazaqstannyń mádeni kúnderiniń ashylý saltanaty ótti. Bul jaiynda Qazaqstannyń Rýmyniiadaǵy Elshiliginiń Facebook paraqshasynda jariialandy, dep habarlaidy "Ult aqparat".
Tamyzdyń 21-23 kúnderi ótetin mádeni kúnderdiń ashylýynda sóz sóilegen Qazaqstan Elshisi Nurbah Rústemov elimizdiń tarihy men dástúri, ásirese qazaqtyń uly aqyny Abai syndy tanymal tulǵalary jaiynda keńinen áńgimelep berdi.
«Mádeni kúnderdi uiymdastyrý rýmyn jurtshylyǵyna elimizdiń mádenieti, dástúri men bai tarihy jaiynda kóbirek bilýge múmkindik beredi. Sonymen qatar Abai shyǵarmalary eki halyqtyń mańyzdy bailanysyna ainala alady», - dep atap ótti Elshi.
Mádeni kúnder aiasynda Rýmyniiada turyp jatqan qazaqtyń tanymal jas sýretshisi Alýa Tebenovanyń kórmesi ashyldy. Munan bólek, rýmyn jurtshylyǵy qazaq halqynyń bastan keshirgen tarihi oqiǵalary jaiynda syr shertetin «Qazaq handyǵy. Altyq taq», «Shyńyraý» jáne «Qunanbai» filmderin tamashalaidy.
Mádeni baǵdarlamanyń mańyzdy elementi 23 amyzda ótetin shoý bolmaq. Abaidyń 175 jyldyq mereitoiyna arnalǵan shoý barysynda rýmyn kameralyq orkestri qazaqtyń uly aqynyń tanymal shyǵarmalaryn oryndaidy.
