رۋمىنييانىڭ كلۋج-ناپوكا قالاسىندا قازاقستاننىڭ مەدەني كٷندەرٸنٸڭ اشىلۋ سالتاناتى ٶتتٸ. بۇل جايىندا قازاقستاننىڭ رۋمىنيياداعى ەلشٸلٸگٸنٸڭ Facebook پاراقشاسىندا جارييالاندى, دەپ حابارلايدى "ۇلت اقپارات".
تامىزدىڭ 21-23 كٷندەرٸ ٶتەتٸن مەدەني كٷندەردٸڭ اشىلۋىندا سٶز سٶيلەگەن قازاقستان ەلشٸسٸ نۇرباح رٷستەموۆ ەلٸمٸزدٸڭ تاريحى مەن دەستٷرٸ, ەسٸرەسە قازاقتىڭ ۇلى اقىنى اباي سىندى تانىمال تۇلعالارى جايىندا كەڭٸنەن ەڭگٸمەلەپ بەردٸ.
«مەدەني كٷندەردٸ ۇيىمداستىرۋ رۋمىن جۇرتشىلىعىنا ەلٸمٸزدٸڭ مەدەنيەتٸ, دەستٷرٸ مەن باي تاريحى جايىندا كٶبٸرەك بٸلۋگە مٷمكٸندٸك بەرەدٸ. سونىمەن قاتار اباي شىعارمالارى ەكٸ حالىقتىڭ ماڭىزدى بايلانىسىنا اينالا الادى», - دەپ اتاپ ٶتتٸ ەلشٸ.
مەدەني كٷندەر اياسىندا رۋمىنييادا تۇرىپ جاتقان قازاقتىڭ تانىمال جاس سۋرەتشٸسٸ الۋا تەبەنوۆانىڭ كٶرمەسٸ اشىلدى. مۇنان بٶلەك, رۋمىن جۇرتشىلىعى قازاق حالقىنىڭ باستان كەشٸرگەن تاريحي وقيعالارى جايىندا سىر شەرتەتٸن «قازاق حاندىعى. التىق تاق», «شىڭىراۋ» جەنە «قۇنانباي» فيلمدەرٸن تاماشالايدى.
مەدەني باعدارلامانىڭ ماڭىزدى ەلەمەنتٸ 23 امىزدا ٶتەتٸن شوۋ بولماق. ابايدىڭ 175 جىلدىق مەرەيتويىنا ارنالعان شوۋ بارىسىندا رۋمىن كامەرالىق وركەسترٸ قازاقتىڭ ۇلى اقىنىڭ تانىمال شىعارمالارىن ورىندايدى.
