2017 jylǵy 8 qyrkúiek kúni Túrkistan, Kentaý qalalarynda Q.A.Iasaýi atyndaǵy HQTÝ ǵimaratynda Elbasy N.Nazarbaevtyń «Bolashaqqa baǵdar: rýhani jańǵyrý» maqalasyndaǵy «Qazaqstannyń kieli jerleriniń geografiiasy» baǵdarlamasy aiasynda "Rýhani jańǵyrý: jastar jýrnalistikasynyń áleýmettik jelidegi jáne veb-saittardaǵy brendingi" taqyrybynda elimizge belgili bir top jýrnalister oqý ordanyń «Jýrnalistika» mamandyǵynyń stýdentterimen, oqytýshy-professorlarymen kezdesý ótkizdi.
Uiymdastyrýshy: oblystyq ishki saiasat basqarmasynyń tapsyrysy boiynsha «Mediakratiia» qoǵamdyq birlestigi.
Kezdesýge «Egemen Qazaqstan» gazetiniń OQO menshikti tilshisi Ǵ.Elshibai, Respýblikalyq «Fotoóner» qoǵamdyq uiymynyń tóraǵasy, QazUÝ ustazy, fototilshi A.Ábdraiymuly, «Almaty aqshamy» respýblikalyq gazetiniń jýrnalisi S.Sybanbai, «Jas Alash» respýblikalyq gazeti bas redaktorynyń orynbasary O.Dáýit, «Egemen Qazaqstannyń» Qyzylorda oblysyndaǵy menshikti tilshisi E.Baitiles, №41 mektep-litseidiń muǵalimi, tarihshy, bloger Ó.Shynybekuly, Oblystyq ishki saiasat basqarmasynyń bólim basshysy D.Júnisov jáne budan ózge aqparattyq portaldardyń redaktorlary qatysty. Seminardy jýrnalist Ǵ.Elshibai júrgizip, kezdesý maqsatyna toqtaldy.
Shara maqsaty – Ońtústik Qazaqstannyń media keńistikte oń imidjin qalyptastyrý, óńirdiń basty brendterin nasihattaý, memlekettik organdardyń imidjin arttyrý, resmi veb-saittardyń róli.
Erkin kezdesýde stýdentter ashyq pikirlerin, kózqarastaryn bildirip, suraqtar qoidy. Eldegi ózekti oqiǵalarǵa, mamandyqqa qatysty saýaldaryna jýrnalister jan-jaqty jaýap berdi. Elbasy N.Á.Nazarbaevtyń «Bolashaqqa baǵdar: Rýhani jańǵyrý» baǵdarlamalyq maqalasynyń ideologiialyq baǵytyn túsindirip, sondai-aq, jastardy rýhy myqty adam bolýǵa, týǵan jerin súiýge, áleýmettik jelidegi aqparattyń aq-qarasyn ajyrata bilýge shaqyrdy.
Professorlar S.Sadyqov, B.Serdáli rýhani másele kótergen qalamgerlerge alǵystaryn bildirip, taqyrypqa qatysty ótkir oilaryn aitty. Jýrnalister óz kezeginde, azamattyq pozitsiialaryn anyq jetkizgen, ár saýaly mirdiń oǵyndai saýatty, azat oily, óz kózqarasy, óz ustanymy bar shákirti bar ustazdarǵa «ult tárbiesi - ózderińiz» degen joǵary baǵa berdi. Naǵyz qainaǵan shyǵarmashylyq ortada ótken kezdesý qyzý pikirtalasqa ulasyp, óte qyzyqty ótti.
Ǵalamtordan oi-muhittyń marjanyn terýge úiretken, qabiletti jastar boiynda uiqtap jatqan «ulttyq kodty» oiatýǵa baǵyttalǵan shara mańyzy zor boldy. Rýhani jańǵyrýdyń jarqyn jolyndaǵy ulttyq qundylyqtarymyz osylaisha eki býyn jýrnalisterdiń basyn qosty.
