Ótken jyly Qazaqstannyń jańa ulttyq brendin (eldik mańdaisha, brendbýk, biryńǵai tús palitrasynyń, túpnusqalyq qariptiń standarttary jáne t.b.) ázirleý, «Qazaqstannyń imidjin oń mazmunmen toltyrýǵa, sondai-aq eldiń shetelde tanylýyn arttyrý baǵytynda memlekettik tapsyrma bolǵan. Al keshe Parlamenttiń onlain keńesinde ulttyq brendter máselesi talqylandy, - dep habarlaidy «Ult aqparat».
Qazaqstan Respýblikasy Premer-Ministriniń orynbasary Eraly Toǵjanovtyń tóraǵalyǵymen ótken ulttyq brendterdi damytý jóninde onlain-keńeste negizgi máseleler alǵa qoiyldy. Premer-Ministriniń orynbasary óz sózinde Qazaqstan óziniń ulttyq jobalary men brendterin damytýy tiis ekenin, osy arqyly eldiń tanymaldyǵy artatynyn atap ótti.
«Qazaqstan óziniń ulttyq jobalary men brendterin damytýy tiis, osy qundylyqtar arqyly qazaq eliniń tanymaldyǵy artady. Bul halyqtyń rýhyn kóterip, qazaqstandyq biregeilikti aiqyndaityn ulttyq dástúrlerdi jańǵyrtýda el turǵyndaryn biriktirýge kómektesedi», — dep atap ótti Eraly Toǵjanov.
Keńeske ortalyq jáne jergilikti atqarýshy organdardyń basshylary qatysty, atalǵan baǵyttar boiynsha jol kartalaryn ázirleý boiynsha naqty tapsyrmalar berildi.
Aita keteiik, qazirgi ýaqytta «Rýhani jańǵyrý» baǵdarlamasyn ulttyq jańǵyrý kezeńine kóshirý jónindegi jol kartasy iske asyrylýda. Qazaqstannyń tarihi-mádeni murasy tarihi estelikterge bai ziiatkerlik jáne rýhy joǵary qoǵamdy qalyptastyrý men damytýdyń pármendi tetigi bola alady. «Qazaq kúresin» jappai damytý on jyl buryn «Qazaqstan barysy» jobasyn júzege asyrýdan bastaldy. Tanymaldyq deńgeiiniń artýy «Álem barysy» jáne «Eýraziia barysy» sekildi halyqaralyq is-sharalarda baiqalýda.
Búgin «Qazaqstan barysy» halyq ónerin jandandyrý jáne ulttyq oiyndardy nasihattaý boiynsha ózindik saiys túri bolyp qalyptasty. Jyl saiyn týrnirge 9 myńnan astam jankúier, 2 mln-nan astam kórermen qatysady. Bul joba halyqtyń zor qoldaýyna ie boldy.
«Qazaqstan barysy» jobasy biyl on birinshi ret ótti. Jyl saiyn buryn kórermenderge tanylmaǵan jańa juldyzdardyń aty shyǵyp jatyr dep oilaimyn. Mysaly, biyl 18 jasqa endi tolǵan birneshe balýan baq synady. Jalpy biz jobany qolǵa alǵan kezde «Qazaqstan barysy» áleýmettik liftige ainalsyn dep oilaǵanbyz. Sol oilaǵanymyz, Qudaiǵa shúkir, kelip jatyr. Aibek Nuǵymarov, Beibit Ystybaev, Ulan Rysqul, Rýslan Ábdirazaq – bári elimizdiń tanymal azamattaryna ainaldy. Áleýmettik jelilerdiń juldyzdary. Eń bastapqy maqsatymyz – ulttyq kúresimiz kúres túrleriniń arasynda eń tórinde tursyn degen oiymyzǵa jettik. Odan qaldy, jańa aitqandai, «Qazaqstan barysyna» qatysatyn balýandardyń da abyroiy artyp, halyq arasynda zor qurmetke bólenip jatyr. Halyqtyń keibireýleri tipti Olimpiada chempiondaryn da bilmei jatady. Al bizdiń Beibit, Ulan, Aibekterdi biledi, tanidy, qai jerge barsa da dastarqan jaiyp, tórge ozdyrady», - deidi «Qazaqstan barysy» jobasynyń avtory Arman Shoraev.
Kún tártibindegi ekinshi másele qazaqy Qazanat (Qostanailyq tuqym) jylqy tuqymyn damytýǵa qatysty boldy. Atqa miný mádenieti men jylqy sharýashylyǵy jer betine Uly daladan taralǵany tarihtan belgili. Jahandyq deńgeide bul sharýashylyq jáne áskeri salada buryn-sońdy bolmaǵan jańashyldyqqa jol ashty. Búgingi kúni qazaqy Qazanat (Qostanailyq tuqym) tuqymyndaǵy jylqylardy qalpyna keltirý men saqtaý boiynsha jol kartasy ázirlendi. Tarihi eskertkishter men mádeniettiń memlekettik tizimine «Patshalyq jylqylar qorajaiy» («Tsarskaia koniýshnia») ǵimarattaryn qosý jáne Qazanat tuqymyndaǵy jylqylardy asyl tuqymdyq synaý júiesin engizý boiynsha jumystar júrgizilýde.
Esterińizge sala keteiik, ótken jyly Qazaqstannyń jańa ulttyq brendin (eldik mańdaisha, brendbýk, biryńǵai tús palitrasynyń, túpnusqalyq qariptiń standarttary jáne t.b.) ázirleý, «Qazaqstannyń imidjin oń mazmunmen toltyrýǵa, sondai-aq eldiń shetelde tanylýyn arttyrý baǵytynda memlekettik tapsyrma bolǵan. Al keshe Parlamenttiń onlain keńesinde ulttyq brendter máselesi talqylandy. Qazaqstan Respýblikasy Premer-Ministriniń orynbasary Eraly Toǵjanovtyń tóraǵalyǵymen ótken ulttyq brendterdi damytý jóninde onlain-keńeste negizgi máseleler alǵa qoiyldy. Premer-Ministriniń orynbasary óz sózinde Qazaqstan óziniń ulttyq jobalary men brendterin damytýy tiis ekenin, osy arqyly eldiń tanymaldyǵy artatynyn atap ótti.
