Almatydaǵy Respýblikalyq fizika-matematika mektebiniń 47 oqýshysy jiti ishek infektsiiasynyń belgilerimen aýrýhanaǵa jatqyzyldy. Taǵy segiz bala internatta oqshaýlanyp, dárigerlerdiń baqylaýyna alynǵan. Bul týraly qalalyq Densaýlyq saqtaý basqarmasy málimdedi, dep habarlaidy ult.kz HALYQSTAN Telegram arnasyna silteme jasap.
Vedomstvonyń málimetinshe, oqýshylar 2026 jylǵy 12–13 qazanda Balalar qalalyq klinikalyq infektsiialyq aýrýhanasyna jetkizilgen. Qazir olardyń barlyǵy dárigerlerdiń baqylaýynda.
Oqiǵa týraly aqparat buǵan deiin áleýmettik jelilerde taraǵan. Threads jelisinde oqýshylardyń týystary balalardyń aýrýhanaǵa túskenin jazyp, mekteptegi tamaqtaný sapasyna qatysty alańdaýshylyq bildirgen.
Osy jaǵdaidan keiin sanitariialyq-epidemiologiialyq baqylaý departamentiniń qaýlysymen mekteptiń, internattyń jáne as blogynyń jumysy ýaqytsha toqtatylǵan.
Qazir mamandar tekserý júrgizip, zerthanalyq zertteýler úshin synamalar alǵan. Jaǵdai jaýapty qyzmetterdiń baqylaýynda.
