«Bolashaqqa baǵdar: rýhani jańǵyrý» baǵdarlamasy aiasynda, Aqtaý qalasynyń 57 jyldyǵyna orai elimizdiń ken bailyǵyn igerýge at salysyp júrgen geologtar qaýymynyń qurmetine tuńǵysh ret alleia ashyldy. Alleianyń ashylýyna atqaminer azamattar men ziialy qaýym ókilderi, qala turǵyndary qatysty, - dep habarlaidy «Ult aqparat».
Alleianyń ashylý saltanatyna oblys ákiminiń orynbasary Ǵalymjan Niiazov, qala ákimi Nurdáýlet Qilybai, ardager geolog-barlaýshylar, Qazaqstan munaishy-geologtar qoǵamynyń prezidenti Baltabek Muqanuly Qýandyqov jáne arnaiy Temirtaý qalasynan kelgen Aqtaý kentiniń ákimi Altynbek Esmurzaev bastaǵan delegatsiia qatysty.
Osy oraida oblys ákiminiń orynbasary Ǵalymjan Niiazov oblys basshysy Serikbai Trumovtyń quttyqtaý hatyn jetizdi.
«Qoinaýy qutqa toly «maily qiian» Mańǵystaýda ashylǵan ken oryndarynyń 90%-dan astamyn jer qoinaýyn paidalanýshylar igerýde. Aimaqta kómirsýtek shikizaty, qatty paidaly qazbalar shyǵarylyp, Qazaqstan munaiynyń 25 paiyzy óndiriledi. 20-dan astam munaiservistik kompaniia jáne 25 munai óndirý mekemeleri jumys isteidi. Atalǵan ken oryndarynyń ashylýyna, igerilýine osy barlaýshylar tikelei atsalysty. Sondyqtan geologtardyń, munaralar qasynan tabylǵan qurysh bilek munaishylar eńbeginiń tek Mańǵystaý oblysynda ǵana emes, tutastai respýblikamyzdyń ekonomikalyq salasyndaǵy erekshe róli men mańyzdylyǵyn atap aitýǵa tiistimiz. Búgin osy ardaqty mamandyq ieleriniń qurmetine ashylǵan alleia aldaǵy ýaqytta qala turǵyndarynyń súiikti demalys oryndarynyń birine ainalady dep oilaimyn. Aqtaýdyń mereitoiy bolsyn. Shaharymyz kórkeiip, jandana bersin», - delingen hatta.
Sonymen qatar, oblys ákiminiń orynbasary Ǵalymjan Niiazov óńirdegi ken oryndarynyń ashylýyna tikelei atsalysqan geologtardyń eńbegin atap ótti. Al Aqtaý kentiniń ákimi Altynbek Esmurzaev bul kúnniń taǵy bir ereksheligine toqtalyp ótti.
«Búgin erekshe kún. Eki Aqtaýdyń ákimderi kezdesti. Aldaǵy ýaqytta tyǵyz áriptestik qarym-qatynasta bolmaqpyz. Búgin eki óńirdiń arasynda saýda jáne ekonomikalyq qatynastardy ornatý, bilim, mádeniet, densaýlyq salasynda ortaq jobalardy iske asyrý maqsatynda yntymaqtastyq týraly memorandýmǵa qol qoiamyz. Aqtaý qalasynyń mereitoiymen quttyqtaimyn! Birligimiz arta bersin», - dedi Aqtaý kentiniń ákimi Altynbek Esmurzaev.
Arhitektýralyq nysanda burǵylaý, munai alý qondyrǵysy, geologtardyń atribýty: balǵa men tabylǵan tas kompozitsiiasy beinelendi. Mańǵystaýda ashylǵan ken-oryndarynyń tizimi men ataqty geolog-barlaýshylardyń esimderi jazyldy. Alleianyń avtory ardager Beisenbai Bisenǵaliev, al qurylysyn salýǵa Qazaqstan munaishy-geologtar qoǵamy men óńirlik filialynyń qyzmetkerleri muryndyq boldy.
Taǵy bir erekshe jańalyq, talǵan shara sońynda jinalǵandar qurylysshylar alleiasynyń irgetasyn qalaý sátine kýá boldy. Aldaǵy ýaqytta bul nysan da qala ortalyǵyndaǵy 12-shaǵynaýdanda ornalasatyn bolady.
Esterińizge sala keteiik, «Bolashaqqa baǵdar: rýhani jańǵyrý» baǵdarlamasy aiasynda, Aqtaý qalasynyń 57 jyldyǵyna orai elimizdiń ken bailyǵyn igerýge at salysyp júrgen geologtar qaýymynyń qurmetine tuńǵysh ret alleia ashyldy. Alleianyń ashylý saltanatyna oblys ákiminiń orynbasary Ǵalymjan Niiazov, qala ákimi Nurdáýlet Qilybai, ardager geolog-barlaýshylar, Qazaqstan munaishy-geologtar qoǵamynyń prezidenti Baltabek Muqanuly Qýandyqov jáne arnaiy Temirtaý qalasynan kelgen Aqtaý kentiniń ákimi Altynbek Esmurzaev bastaǵan delegatsiia qatysty.
