«بولاشاققا باعدار: رۋحاني جاڭعىرۋ» باعدارلاماسى اياسىندا, اقتاۋ قالاسىنىڭ 57 جىلدىعىنا وراي ەلٸمٸزدٸڭ كەن بايلىعىن يگەرۋگە ات سالىسىپ جٷرگەن گەولوگتار قاۋىمىنىڭ قۇرمەتٸنە تۇڭعىش رەت اللەيا اشىلدى. اللەيانىڭ اشىلۋىنا اتقامٸنەر ازاماتتار مەن زييالى قاۋىم ٶكٸلدەرٸ, قالا تۇرعىندارى قاتىستى, - دەپ حابارلايدى «ۇلت اقپارات».
اللەيانىڭ اشىلۋ سالتاناتىنا وبلىس ەكٸمٸنٸڭ ورىنباسارى عالىمجان نييازوۆ, قالا ەكٸمٸ نۇردەۋلەت قيلىباي, ارداگەر گەولوگ-بارلاۋشىلار, قازاقستان مۇنايشى-گەولوگتار قوعامىنىڭ پرەزيدەنتٸ بالتابەك مۇقانۇلى قۋاندىقوۆ جەنە ارنايى تەمٸرتاۋ قالاسىنان كەلگەن اقتاۋ كەنتٸنٸڭ ەكٸمٸ التىنبەك ەسمۇرزاەۆ باستاعان دەلەگاتسييا قاتىستى.
وسى ورايدا وبلىس ەكٸمٸنٸڭ ورىنباسارى عالىمجان نييازوۆ وبلىس باسشىسى سەرٸكباي ترۇموۆتىڭ قۇتتىقتاۋ حاتىن جەتٸزدٸ.
«قويناۋى قۇتقا تولى «مايلى قييان» ماڭعىستاۋدا اشىلعان كەن ورىندارىنىڭ 90%-دان استامىن جەر قويناۋىن پايدالانۋشىلار يگەرۋدە. ايماقتا كٶمٸرسۋتەك شيكٸزاتى, قاتتى پايدالى قازبالار شىعارىلىپ, قازاقستان مۇنايىنىڭ 25 پايىزى ٶندٸرٸلەدٸ. 20-دان استام مۇنايسەرۆيستٸك كومپانييا جەنە 25 مۇناي ٶندٸرۋ مەكەمەلەرٸ جۇمىس ٸستەيدٸ. اتالعان كەن ورىندارىنىڭ اشىلۋىنا, يگەرٸلۋٸنە وسى بارلاۋشىلار تٸكەلەي اتسالىستى. سوندىقتان گەولوگتاردىڭ, مۇنارالار قاسىنان تابىلعان قۇرىش بٸلەك مۇنايشىلار ەڭبەگٸنٸڭ تەك ماڭعىستاۋ وبلىسىندا عانا ەمەس, تۇتاستاي رەسپۋبليكامىزدىڭ ەكونوميكالىق سالاسىنداعى ەرەكشە رٶلٸ مەن ماڭىزدىلىعىن اتاپ ايتۋعا تيٸستٸمٸز. بٷگٸن وسى ارداقتى ماماندىق يەلەرٸنٸڭ قۇرمەتٸنە اشىلعان اللەيا الداعى ۋاقىتتا قالا تۇرعىندارىنىڭ سٷيٸكتٸ دەمالىس ورىندارىنىڭ بٸرٸنە اينالادى دەپ ويلايمىن. اقتاۋدىڭ مەرەيتويى بولسىن. شاھارىمىز كٶركەيٸپ, جاندانا بەرسٸن», - دەلٸنگەن حاتتا.
سونىمەن قاتار, وبلىس ەكٸمٸنٸڭ ورىنباسارى عالىمجان نييازوۆ ٶڭٸردەگٸ كەن ورىندارىنىڭ اشىلۋىنا تٸكەلەي اتسالىسقان گەولوگتاردىڭ ەڭبەگٸن اتاپ ٶتتٸ. ال اقتاۋ كەنتٸنٸڭ ەكٸمٸ التىنبەك ەسمۇرزاەۆ بۇل كٷننٸڭ تاعى بٸر ەرەكشەلٸگٸنە توقتالىپ ٶتتٸ.
«بٷگٸن ەرەكشە كٷن. ەكٸ اقتاۋدىڭ ەكٸمدەرٸ كەزدەستٸ. الداعى ۋاقىتتا تىعىز ەرٸپتەستٸك قارىم-قاتىناستا بولماقپىز. بٷگٸن ەكٸ ٶڭٸردٸڭ اراسىندا ساۋدا جەنە ەكونوميكالىق قاتىناستاردى ورناتۋ, بٸلٸم, مەدەنيەت, دەنساۋلىق سالاسىندا ورتاق جوبالاردى ٸسكە اسىرۋ ماقساتىندا ىنتىماقتاستىق تۋرالى مەموراندۋمعا قول قويامىز. اقتاۋ قالاسىنىڭ مەرەيتويىمەن قۇتتىقتايمىن! بٸرلٸگٸمٸز ارتا بەرسٸن», - دەدٸ اقتاۋ كەنتٸنٸڭ ەكٸمٸ التىنبەك ەسمۇرزاەۆ.
ارحيتەكتۋرالىق نىساندا بۇرعىلاۋ, مۇناي الۋ قوندىرعىسى, گەولوگتاردىڭ اتريبۋتى: بالعا مەن تابىلعان تاس كومپوزيتسيياسى بەينەلەندٸ. ماڭعىستاۋدا اشىلعان كەن-ورىندارىنىڭ تٸزٸمٸ مەن اتاقتى گەولوگ-بارلاۋشىلاردىڭ ەسٸمدەرٸ جازىلدى. اللەيانىڭ اۆتورى ارداگەر بەيسەنباي بيسەنعاليەۆ, ال قۇرىلىسىن سالۋعا قازاقستان مۇنايشى-گەولوگتار قوعامى مەن ٶڭٸرلٸك فيليالىنىڭ قىزمەتكەرلەرٸ مۇرىندىق بولدى.
تاعى بٸر ەرەكشە جاڭالىق, تالعان شارا سوڭىندا جينالعاندار قۇرىلىسشىلار اللەياسىنىڭ ٸرگەتاسىن قالاۋ سەتٸنە كۋە بولدى. الداعى ۋاقىتتا بۇل نىسان دا قالا ورتالىعىنداعى 12-شاعىناۋداندا ورنالاساتىن بولادى.
ەستەرٸڭٸزگە سالا كەتەيٸك, «بولاشاققا باعدار: رۋحاني جاڭعىرۋ» باعدارلاماسى اياسىندا, اقتاۋ قالاسىنىڭ 57 جىلدىعىنا وراي ەلٸمٸزدٸڭ كەن بايلىعىن يگەرۋگە ات سالىسىپ جٷرگەن گەولوگتار قاۋىمىنىڭ قۇرمەتٸنە تۇڭعىش رەت اللەيا اشىلدى. اللەيانىڭ اشىلۋ سالتاناتىنا وبلىس ەكٸمٸنٸڭ ورىنباسارى عالىمجان نييازوۆ, قالا ەكٸمٸ نۇردەۋلەت قيلىباي, ارداگەر گەولوگ-بارلاۋشىلار, قازاقستان مۇنايشى-گەولوگتار قوعامىنىڭ پرەزيدەنتٸ بالتابەك مۇقانۇلى قۋاندىقوۆ جەنە ارنايى تەمٸرتاۋ قالاسىنان كەلگەن اقتاۋ كەنتٸنٸڭ ەكٸمٸ التىنبەك ەسمۇرزاەۆ باستاعان دەلەگاتسييا قاتىستى.
