QR Aqparat jáne qoǵamdyq damý vitse-ministri Bolat Tilepov «Rýhani jańǵyrý» baǵdarlamasynyń halyqqa paidasy jóninde aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihaty barysynda vitse-ministrge áleýmettik jeliden «Baǵdarlamalyq maqala jariialanǵannan beri 3 jyl ótti. Osy bir qiyn kezeńde baǵdarlamadan qarapaiym halyqqa ne paida?» degen suraq qoiylǵan edi.
«Onyń paidasyn qolmen ólshei almaimyz. Óitkeni, ózderińiz jaqsy bilesizder, rýhaniiattyń óziniń – ólshemi joq dúnie. Al, endi «Rýhani jańǵyrý« baǵdarlamasynyń da bul rette, árine, bir belgili merzimi joq. Óitkeni, adamnyń sanasynyń, jalpy qoǵamnyń rýhani damýy – bul kúndelikti júretin úrdis. Al naqty nátijege keler bolsaq, baiandamamda atap óttim. Atqarylǵan jumys az emes, naqty nátijeler de bar. Máselen, koronavirýs indeti kezinde qiyndyqtarǵa qaramastan «Týǵan jer« jobasy aiasynda 1200-den astam metsenat azamattarymyzdyń qatysýymen túrli aýyldy aimaqtarda 228 áleýmettik-mádeni mańyzy bar nysan saldy. Bul degenińiz, eń aldymen, sol nysandarda tárbie alatyn, sol nysandarda bilim alatyn balalarymyzǵa paidaly», - dedi Bolat Tilepov.
.jpeg)