Qazaqstannyń Halyq ártisi Roza Rymbaeva qudalarymen birge taǵy bir qýanyshty toiǵa qatysty. Ánshiniń kelini Aqerke Búrkitbaidyń sińlisi uzatylyp, áýlet dúbirli mereke ótkizdi, dep habarlaidy ult.kz.

Qýanyshty jańalyqty Aqerke Búrkitbai áleýmettik jelidegi paraqshasynda jariialap, toiǵa arnaiy kelgen týǵan-týys pen jaqyndaryna alǵysyn bildirdi.

"Aqiisimizdi uzattyq. Toiymyzǵa arnaiy kelip, qýanyshymyzdy bólisken barsha qonaqtarymyzǵa shyn júrekten úlken alǵysymyzdy bildiremiz!", – dep jazdy ol.

Qyz uzatý toiyna Roza Rymbaeva da qatysyp, qudalarynyń qýanyshyna ortaqtasqan. Óner iesi jańa qudalarymen birge jas jubailarǵa aq tilegin bildirdi.

Aita keteiik, osy jyly Roza Baǵlanova atyndaǵy "Qazaqkontsert" memlekettik akademiialyq kontserttik uiymynyń sahnasynda Qazaqstannyń halyq ártisi Roza Rymbaevanyń shyǵarmashylyq jolynyń 50 jyldyǵyna arnalǵan mereitoilyq kesh uiymdastyryldy. 
 

Roza Rymbaeva kim?

Roza Rymbaeva – qazaq estradasynyń eń tanymal ókilderiniń biri, Qazaqstannyń halyq ártisi, ánshi, aktrisa ári professor. Ol 1957 jyly 28 qazanda burynǵy Semei oblysynyń Jańǵyztóbe stantsiiasynda dúniege kelgen.

Óner jolyn erte bastaǵan Roza Rymbaeva 1976–1979 jyldary "Gúlder" jastar estradalyq ansambliniń solisi boldy. Keiin "Qazaqkontsert" janyndaǵy "Arai" ansamblinde óner kórsetti. Onyń úlken sahnadaǵy tanymaldyǵyn arttyrǵan shyǵarmalardyń biri – Seidolla Báiterekovtiń "Áliia" áni.

Óner iesi 1986 jyly Qazaqstannyń halyq ártisi atandy. Ol – Qazaqstannyń Memlekettik syilyǵynyń laýreaty, "Parasat", "Qurmet" jáne II dárejeli "Dostyq" ordenderiniń iegeri.