قازاقستاننىڭ حالىق ەرتٸسٸ روزا رىمباەۆا قۇدالارىمەن بٸرگە تاعى بٸر قۋانىشتى تويعا قاتىستى. ەنشٸنٸڭ كەلٸنٸ اقەركە بٷركٸتبايدىڭ سٸڭلٸسٸ ۇزاتىلىپ, ەۋلەت دٷبٸرلٸ مەرەكە ٶتكٸزدٸ, دەپ حابارلايدى ult.kz.

قۋانىشتى جاڭالىقتى اقەركە بٷركٸتباي ەلەۋمەتتٸك جەلٸدەگٸ پاراقشاسىندا جارييالاپ, تويعا ارنايى كەلگەن تۋعان-تۋىس پەن جاقىندارىنا العىسىن بٸلدٸردٸ.

"اقيٸسٸمٸزدٸ ۇزاتتىق. تويىمىزعا ارنايى كەلٸپ, قۋانىشىمىزدى بٶلٸسكەن بارشا قوناقتارىمىزعا شىن جٷرەكتەن ٷلكەن العىسىمىزدى بٸلدٸرەمٸز!", – دەپ جازدى ول.

قىز ۇزاتۋ تويىنا روزا رىمباەۆا دا قاتىسىپ, قۇدالارىنىڭ قۋانىشىنا ورتاقتاسقان. ٶنەر يەسٸ جاڭا قۇدالارىمەن بٸرگە جاس جۇبايلارعا اق تٸلەگٸن بٸلدٸردٸ.

ايتا كەتەيٸك, وسى جىلى روزا باعلانوۆا اتىنداعى "قازاقكونتسەرت" مەملەكەتتٸك اكادەمييالىق كونتسەرتتٸك ۇيىمىنىڭ ساحناسىندا قازاقستاننىڭ حالىق ەرتٸسٸ روزا رىمباەۆانىڭ شىعارماشىلىق جولىنىڭ 50 جىلدىعىنا ارنالعان مەرەيتويلىق كەش ۇيىمداستىرىلدى. 
 

روزا رىمباەۆا كٸم?

روزا رىمباەۆا – قازاق ەستراداسىنىڭ ەڭ تانىمال ٶكٸلدەرٸنٸڭ بٸرٸ, قازاقستاننىڭ حالىق ەرتٸسٸ, ەنشٸ, اكتريسا ەرٸ پروفەسسور. ول 1957 جىلى 28 قازاندا بۇرىنعى سەمەي وبلىسىنىڭ جاڭعىزتٶبە ستانتسيياسىندا دٷنيەگە كەلگەن.

ٶنەر جولىن ەرتە باستاعان روزا رىمباەۆا 1976–1979 جىلدارى "گٷلدەر" جاستار ەسترادالىق انسامبلٸنٸڭ سوليسٸ بولدى. كەيٸن "قازاقكونتسەرت" جانىنداعى "اراي" انسامبلٸندە ٶنەر كٶرسەتتٸ. ونىڭ ٷلكەن ساحناداعى تانىمالدىعىن ارتتىرعان شىعارمالاردىڭ بٸرٸ – سەيدوللا بەيتەرەكوۆتٸڭ "ەلييا" ەنٸ.

ٶنەر يەسٸ 1986 جىلى قازاقستاننىڭ حالىق ەرتٸسٸ اتاندى. ول – قازاقستاننىڭ مەملەكەتتٸك سىيلىعىنىڭ لاۋرەاتى, "پاراسات", "قۇرمەت" جەنە II دەرەجەلٸ "دوستىق" وردەندەرٸنٸڭ يەگەرٸ.