Qazaqstannyń Niderland elindegi elshisi Asqar Jumaǵaliev Rotterdam porty ákimshiliginiń bas direktory Allard Kasteleinmen onlain kezdesý ótkizdi, dep habarlaidy QazAqparat.
Kezdesý barysynda A.Kasteleinge Ýkrainadaǵy jaǵdaiǵa bailanysty Qazaqstannyń ustanymy, QR Prezidenti Qasym-Jomart Toqaevtyń ýkrain tarapyna gýmanitarlyq kómek kórsetý sheshimi jóninde aqparat berildi.
Qazaqstan elshisi Resei-Ýkraina máselesine bailanysty Rotterdam porty arqyly qazaqstandyq taýarlardyń úzdiksiz júk ainalymyn qamtamasyz etýdiń mańyzdylyǵyn atap ótti.
Óz kezeginde A.Kastelein Rotterdam porty arqyly qazaqstandyq júkterdi qabyldaý men jóneltýde problemalardyń joqtyǵyn atap ótti. Bul rette sońǵy kezde týyndaǵan júkterdiń tranziti jónindegi barlyq máseleler arnaiy qurylǵan jumys toby sheńberinde qaralady.
A.Kastelein aldaǵy taiaý ýaqytta kólik-logistika salasynda port jáne qazaqstandyq seriktester arasyndaǵy ekijaqty úilestirýdi retke keltirý boiynsha QR Elshisiniń usynysyna qoldaý bildirdi.
