Memleket basshysynyń tapsyrmasy boiynsha QR Premer-Ministriniń birinshi orynbasary Roman Skliar qalalyq jylý jelilerindegi apattyń saldaryn joiý jónindegi jumystardy baqylaý úshin Ekibastuzda bolady, dep habarlaidy"Ult aqparat" primeminister.kz saityna silteme jasap.
Jumysty úilestirip, shuǵyl sheshimder qabyldaý úshin birinshi vitse-premer turaqty túrde arnaiy shtab otyrystaryn ótkizedi.
Atap aitqanda, qazirgi ýaqytta qalpyna keltirý jumystaryna barlyǵy 50-den astam tehnika tartyldy. 36 brigada (261 adam) jumys istep jatyr. 3 jeltoqsandaǵy saǵat 12:00-degi jaǵdai boiynsha 76 úidiń 48-de jumys aiaqtaldy, taǵy 28 úi boiynsha tiisti jumystar jalǵasýda. Sonymen qatar qala turǵyndary úshin burynǵysha 14 jylytý pýnkti jumys istep tur.
Qalpyna keltirý jumystarynyń barysy – Úkimet pen jergilikti atqarýshy organdardyń baqylaýynda. Roman Skliar TJ zardaptary tolyq joiylǵanǵa deiin Ekibastuzda bolady.
