مەملەكەت باسشىسىنىڭ تاپسىرماسى بويىنشا قر پرەمەر-مينيسترٸنٸڭ بٸرٸنشٸ ورىنباسارى رومان سكليار قالالىق جىلۋ جەلٸلەرٸندەگٸ اپاتتىڭ سالدارىن جويۋ جٶنٸندەگٸ جۇمىستاردى باقىلاۋ ٷشٸن ەكٸباستۇزدا بولادى, دەپ حابارلايدى"ۇلت اقپارات" primeminister.kz سايتىنا سٸلتەمە جاساپ.
جۇمىستى ٷيلەستٸرٸپ, شۇعىل شەشٸمدەر قابىلداۋ ٷشٸن بٸرٸنشٸ ۆيتسە-پرەمەر تۇراقتى تٷردە ارنايى شتاب وتىرىستارىن ٶتكٸزەدٸ.
اتاپ ايتقاندا, قازٸرگٸ ۋاقىتتا قالپىنا كەلتٸرۋ جۇمىستارىنا بارلىعى 50-دەن استام تەحنيكا تارتىلدى. 36 بريگادا (261 ادام) جۇمىس ٸستەپ جاتىر. 3 جەلتوقسانداعى ساعات 12:00-دەگٸ جاعداي بويىنشا 76 ٷيدٸڭ 48-دە جۇمىس اياقتالدى, تاعى 28 ٷي بويىنشا تيٸستٸ جۇمىستار جالعاسۋدا. سونىمەن قاتار قالا تۇرعىندارى ٷشٸن بۇرىنعىشا 14 جىلىتۋ پۋنكتٸ جۇمىس ٸستەپ تۇر.
قالپىنا كەلتٸرۋ جۇمىستارىنىڭ بارىسى – ٷكٸمەت پەن جەرگٸلٸكتٸ اتقارۋشى ورگانداردىڭ باقىلاۋىندا. رومان سكليار تج زارداپتارى تولىق جويىلعانعا دەيٸن ەكٸباستۇزدا بولادى.
