Úkimet «Atameken» UKP-men birlesip ekonomikanyń zardap shekken salalaryndaǵy biznestiń jaǵdaiyn monitoringileý maqsatynda Jedel shtab qurdy, dep habarlaidy primeminister.kz.
«Atameken» UKP-da Premer-Ministrdiń orynbasary Roman Skliardyń tóraǵalyǵymen beinekonferentsiia bailanysy rejiminde kásipkerlik máseleleri boiynsha Jobalyq keńseniń otyrysy ótti.
Roman Skliar Premer-Ministr Asqar Maminniń tapsyrmasy boiynsha ekonomikanyń zardap shekken sektorlaryndaǵy jaǵdaidyń jedel monitoringin qamtamasyz etý úshin «qarapaiym zattar ekonomikasyn» damytý jónindegi Jobalyq keńseniń mandaty keńeitilip, biznestiń jai-kúiin monitoringileý úshin jedel shtab qurylǵanyn habarlady.
Roman Skliardyń jetekshiligimen Jobalyq keńseniń quramyna «Atameken» UKP basqarma tóraǵasy Abylai Myrzahmetov, kásipkerlik máselelerine jetekshilik etetin ákimderdiń orynbasarlary, beiindi ortalyq memlekettik organdardyń ókilderi kirdi.
Premer-Ministrdiń kásipkerlik máseleleri jónindegi keńesshisi Dana Beisenova jedel shtabtyń mindetteri týraly aqparat berdi. Máselen, shtab óńirlerdegi kásipkerlik belsendiliktiń jai-kúiine jáne karantindik sharalardyń biznesti júrgizý jaǵdailaryna áser etýine monitoring júrgizedi, neǵurlym zardap shekken salalardaǵy ShOB sýbektileriniń sany týraly ózekti málimetterdi qalyptastyrady, sondai-aq kásipkerlik belsendilikti qalpyna keltirý jáne damytý, jumyspen qamtýdy saqtaý boiynsha jedel jáne júieli usynystar ázirleidi.
Biznestiń jai-kúii týraly jedel derekter apta saiyn úsh kózden quralady: ákimdikter, óńirlik kásipkerler palatasy jáne tikelei biznesten. Osylaisha, biznes óziniń jaǵdaiy men problemalyq máselelerdiń bar ekendigi týraly tikelei habarlai alady.
Kásipkerler úshin onlain-saýalnama jasalǵan, ony toltyrý úshin myna silteme boiynsha ótýge bolady. Jinalǵan derekter negizinde jedel shtab keiinnen qajetti qoldaý sharalaryn qabyldaý úshin Úkimetti habardar etetin bolady.
Óz kezeginde Abylai Myrzahmetov biznes pen memlekettik organdardyń úilesimdi jáne jedel jumysynyń nátijesi problemalardy der kezinde sheshýge jáne olardy erte kezeńde diagnostikalaýǵa bolatynyn atap ótti.
Jobalyq keńseniń otyrysyn qorytyndylai kele, Roman Skliar shuǵyl shtab jiyny ákimderdiń orynbasarlarynan óńirlerdegi qazirgi jaǵdai týraly aqparat alyp, apta saiyn júrgiziletinin habarlady. Sondai-aq Jedel shtab apta saiyn Qazaqstan Respýblikasy Premer-Ministriniń júrgizip otyrǵan jumysynyń nátijeleri týraly habardar etetin bolady.
