ٷكٸمەت «اتامەكەن» ۇكپ-مەن بٸرلەسٸپ ەكونوميكانىڭ زارداپ شەككەن سالالارىنداعى بيزنەستٸڭ جاعدايىن مونيتورينگٸلەۋ ماقساتىندا جەدەل شتاب قۇردى, دەپ حابارلايدى primeminister.kz.
«اتامەكەن» ۇكپ-دا پرەمەر-مينيستردٸڭ ورىنباسارى رومان سكلياردىڭ تٶراعالىعىمەن بەينەكونفەرەنتسييا بايلانىسى رەجيمٸندە كەسٸپكەرلٸك مەسەلەلەرٸ بويىنشا جوبالىق كەڭسەنٸڭ وتىرىسى ٶتتٸ.
رومان سكليار پرەمەر-مينيستر اسقار ماميننٸڭ تاپسىرماسى بويىنشا ەكونوميكانىڭ زارداپ شەككەن سەكتورلارىنداعى جاعدايدىڭ جەدەل مونيتورينگٸن قامتاماسىز ەتۋ ٷشٸن «قاراپايىم زاتتار ەكونوميكاسىن» دامىتۋ جٶنٸندەگٸ جوبالىق كەڭسەنٸڭ مانداتى كەڭەيتٸلٸپ, بيزنەستٸڭ جاي-كٷيٸن مونيتورينگٸلەۋ ٷشٸن جەدەل شتاب قۇرىلعانىن حابارلادى.
رومان سكلياردىڭ جەتەكشٸلٸگٸمەن جوبالىق كەڭسەنٸڭ قۇرامىنا «اتامەكەن» ۇكپ باسقارما تٶراعاسى ابىلاي مىرزاحمەتوۆ, كەسٸپكەرلٸك مەسەلەلەرٸنە جەتەكشٸلٸك ەتەتٸن ەكٸمدەردٸڭ ورىنباسارلارى, بەيٸندٸ ورتالىق مەملەكەتتٸك ورگانداردىڭ ٶكٸلدەرٸ كٸردٸ.
پرەمەر-مينيستردٸڭ كەسٸپكەرلٸك مەسەلەلەرٸ جٶنٸندەگٸ كەڭەسشٸسٸ دانا بەيسەنوۆا جەدەل شتابتىڭ مٸندەتتەرٸ تۋرالى اقپارات بەردٸ. مەسەلەن, شتاب ٶڭٸرلەردەگٸ كەسٸپكەرلٸك بەلسەندٸلٸكتٸڭ جاي-كٷيٸنە جەنە كارانتيندٸك شارالاردىڭ بيزنەستٸ جٷرگٸزۋ جاعدايلارىنا ەسەر ەتۋٸنە مونيتورينگ جٷرگٸزەدٸ, نەعۇرلىم زارداپ شەككەن سالالارداعى شوب سۋبەكتٸلەرٸنٸڭ سانى تۋرالى ٶزەكتٸ مەلٸمەتتەردٸ قالىپتاستىرادى, سونداي-اق كەسٸپكەرلٸك بەلسەندٸلٸكتٸ قالپىنا كەلتٸرۋ جەنە دامىتۋ, جۇمىسپەن قامتۋدى ساقتاۋ بويىنشا جەدەل جەنە جٷيەلٸ ۇسىنىستار ەزٸرلەيدٸ.
بيزنەستٸڭ جاي-كٷيٸ تۋرالى جەدەل دەرەكتەر اپتا سايىن ٷش كٶزدەن قۇرالادى: ەكٸمدٸكتەر, ٶڭٸرلٸك كەسٸپكەرلەر پالاتاسى جەنە تٸكەلەي بيزنەستەن. وسىلايشا, بيزنەس ٶزٸنٸڭ جاعدايى مەن پروبلەمالىق مەسەلەلەردٸڭ بار ەكەندٸگٸ تۋرالى تٸكەلەي حابارلاي الادى.
كەسٸپكەرلەر ٷشٸن ونلاين-ساۋالناما جاسالعان, ونى تولتىرۋ ٷشٸن مىنا سٸلتەمە بويىنشا ٶتۋگە بولادى. جينالعان دەرەكتەر نەگٸزٸندە جەدەل شتاب كەيٸننەن قاجەتتٸ قولداۋ شارالارىن قابىلداۋ ٷشٸن ٷكٸمەتتٸ حاباردار ەتەتٸن بولادى.
ٶز كەزەگٸندە ابىلاي مىرزاحمەتوۆ بيزنەس پەن مەملەكەتتٸك ورگانداردىڭ ٷيلەسٸمدٸ جەنە جەدەل جۇمىسىنىڭ نەتيجەسٸ پروبلەمالاردى دەر كەزٸندە شەشۋگە جەنە ولاردى ەرتە كەزەڭدە دياگنوستيكالاۋعا بولاتىنىن اتاپ ٶتتٸ.
جوبالىق كەڭسەنٸڭ وتىرىسىن قورىتىندىلاي كەلە, رومان سكليار شۇعىل شتاب جيىنى ەكٸمدەردٸڭ ورىنباسارلارىنان ٶڭٸرلەردەگٸ قازٸرگٸ جاعداي تۋرالى اقپارات الىپ, اپتا سايىن جٷرگٸزٸلەتٸنٸن حابارلادى. سونداي-اق جەدەل شتاب اپتا سايىن قازاقستان رەسپۋبليكاسى پرەمەر-مينيسترٸنٸڭ جٷرگٸزٸپ وتىرعان جۇمىسىنىڭ نەتيجەلەرٸ تۋرالى حاباردار ەتەتٸن بولادى.
