Osy jyldyń 20 qańtarynda Germaniia Federativtik Respýblikasynyń Dortmýnd qalasynda Qazaqstan Respýblikasy Premer-Ministriniń orynbasary Roman Skliardyń nemis biznesiniń ókilderimen kezdesýi ótti.
Kezdesýge 40-tan astam nemis kompaniialarynyń basshylary qatysty, dep habarlaidy QR Úkimetiniń baspasóz qyzmeti.
«Ekijaqty qarym-qatynas tájiribesi Germaniianyń senimdi seriktes ekenin kórsetedi. Biz bir orynda turmaimyz jáne sizben birge barlyq baǵyttar boiynsha yntymaqtastyqty keńeitý jáne damytý úshin jańa múmkindikter tapqymyz keledi. Qazaqstanda german kapitalynyń qatysýymen 1000-nan astam kásiporyn jumys isteidi», - dep atap ótti R. Skliar óz sózinde.
Úkimet basshysynyń orynbasary eki el arasyndaǵy serpindi biznes-yntymaqtastyqty damytý múmkindikterine, nemis investitsiialaryn tartýǵa, ónerkásip, energetika, aýyl sharýashylyǵy salalaryndaǵy birlesken jobalardy júzege asyrý jónindegi naqty máselelerdi talqylaýǵa jáne Qazaqstan ekonomikasy úshin asa mańyzdy baǵyttarǵa toqtaldy.
