Búgin Úkimet úiinde ótken baspasóz máslixatynda QR Investitsiialar jáne damý vitse-ministri Roman Skliar EKSPO biletterin qalaisha tegin alýǵa bolatynyn túsindirip berdi, dep habarlaidy Ult.kz tilshisi QazAqparat agenttigine silteme jasap.
«Qazaqstan temirjoly» ulttyq kompaniiasy quramyna kiretin «Jolaýshylar tasymaly» AQ EKSPO biletterin kóptep satyp aldy. Biletterdiń baǵasy ártúrli, datasyna qarai 4-8 myń teńgeniń ainalasynda. Mine, osy biletter jeńildikpen berilip jatyr. Poiyzǵa bilet alsańyz, EKSPO biletin 45 protsenttik jeńildikpen alýǵa múmkindik bar. Al «Tulpar-Talgoǵa» bilet alynsa, kórme bileti tegin beriledi», - deidi Skliar.
Vitse-ministrdiń aitýynsha, ondai jeńildikter barlyq oblysaralyq marshrýttarǵa taralady.
Aita keteiik, Astanadaǵy EKSPO Halyqaralyq kórmesi kezinde 2 mln 450 myń adam kelip ketýi tiis. Sonyń ishinde el aimaqtarynan keletin 1 million 800 myń adam bar.
Vitse-ministr Skliar qandai da bir qolaisyz jaǵdailar bolsa, astanalyqtardyń barlyǵyna «óz úiine kelgen qonaqtai qaraýǵa» úndedi.
