Qazaqstandyq Iýliia Pýtintseva juptyq synda Rolan Garros týrniriniń ekinshi ainalymyna ótti, dep habarlaidy "Ult aqparat".
Qazaqstandyq tennisshi alǵashqy ainalymda rýmyniialyq Andrea Mitýmen birge Polsha ókili Alisiia Rosolska – amerikalyq Koko Vandevegemen kezdesti.
Birinshi partiiada A.Rosolska men K.Vandevege 6:3 esebimen basym tússe, ekinshi sette qazaqstandyq-rýmyniialyq jup dál sondai eseppen ese qaiyrdy.
Úshinshi, sheshýshi sette Mitý men Pýtintseva 3:0 esebimen alǵa ketti. Budan keiin qarsylastary esepti qysqartqanymen, qaitadan breik jasap, 5:2-ge jetkizdi.
Sosyn Iýliia matchqa dop bergende, qazaqstandyq-rýmyniialyq jup matchty jeńispen túiindedi – 6:2.
Báseke saǵat jarymǵa jýyq ýaqytqa sozyldy.
Iu.Pýtintseva men A.Mitý ekinshi ainalymda Frantsiia ashyq chempionatynyń 3-raketkalary, amerikalyq Nikol Melichar – niderlandylyq Demi Shiýrs nemese frantsiialyq Dian Parri – Margo Ierolimos juptarynyń qai jeńgenimen kortqa shyǵady.
