Biyl radiatsiialyq-himiialyq biologiialyq Qorǵanys áskerleriniń qurylǵanyna 30 jyl toldy. Osyǵan orai QR Qarýly kúshteri Bas shtaby radiatsiialyq-himiialyq biologiialyq Qorǵanys jáne ekologiialyq qaýipsizdik áskerleri departamentiniń aǵa-ofitseri Abýov Nurlan Bazaruly osy ásker túriniń qurylý kezeńderi, damýy men jetistikteri týraly áńgimelep berdi, – dep habarlaidy «Ult aqparat».
QR qarýly kúshteri radiatsiialyq-himiialyq biologiialyq Qorǵanys áskerleriniń tarihy 1992 jyly 2 shildede birinshi Qorǵanys ministriniń sheshimimen bastalǵan. Qurlyq áskerleri quramyna burynǵy KSRO-nyń Qazaqstan aýmaǵynda ornalasqan áskeri bólimderi men mekemeleri kirgen.
«RHB qorǵaý áskerleri ataýyn ózgertken himiialyq qorǵaý áskerleri birlestikteri men bólimderi kirdi. Negizi olar RHB qorǵaý qarý-jaraq pen quraldar qoimalary bolǵan. Keiingi jyldary RHB qorǵaý áskerleri zamanaýi qaýip-qaterlerge bailanysty transformatsiia ótip, sonyń nátijesinde qazirgi zamanǵy jaǵdailarda soǵys jáne beibit ýaqytynda júktelgen mindetterdi oryndai alatyn, qural-jabdyqtarmen jabdyqtalǵan jáne sany jaǵynan yqshamdy áskeri bólimder men bólimsheler bolyp tabylady. Osy kúnge ózine uiymdastyrýshylyq jaǵynan Bas áskeri organdar, Ortalyq baǵynysty bólimder jáne birlestikter men áskeri bólimderdiń RHB qorǵaý áskeri bólimderi bólimshelerin qosatyn RHB qorǵaý áskerleriniń ońtaily qurylymy qalyptastyrylǵan. Bul bólimsheler ártúrli oqý-jattyǵý jáne maqsaty boiynsha mindettemelerdi oryndaý kezinde óziniń tiimdiligin kórsetken. RHB qorǵaýdyń qarý-jaraǵy men qazirgi zamanaýi úlgilermen tolyq qamtamasyz etilgen. Qazirgi ýaqytta RHB qorǵaý áskerleri – bul jaýyngerlik qamtamasyz etetin ásker túrleriniń birden-biri. Ózine uiymdastyrýshylyq jaǵynan áskeri bas organdary, ortalyq baǵynysty bólimder jáne birlestikter men áskeri bólimderiniń sapyndaǵy RQB qorǵaý áskerleriniń bólimderi bólimshelerin qosatyn RQB qorǵaý áskerleriniń ońtaily qurylymy qalyptastyrylǵan», – deidi Nurlan Bazaruly.
Onyń aitýynsha, bul bólimsheler ártúrli oqý-jattyǵý jáne maqsaty boiynsha mindettemelerdi oryndaý kezinde óziniń tiimdiligin kórsetken. Sondyqtan ujymdyq qaýipsizdik shart uiymynyń Shanhai yntymaqtastyq uiymy jáne himiialyq qarýǵa tyiym salý halyqaralyq uiymy sheńberinde ótkiziletin barlyq halyqaralyq jáne vedomstvoaralyq oqý-jattyǵýlaryna belsene qatysatyn bólimshelerdi atap ótýge bolady. Osy bólimshelersiz eshqandai oqý-jattyǵý ótkizilmeidi. Bul rette vedomstvoaralyq ózara is-qimyl uiymdastyrýǵa erekshe kóńil bólinedi.
«Mysaly, aǵymdaǵy jyldyń sáýir aiynda ótkizilgen QR barlyq kúshtik memlekettik organdarynyń kúshteri men quraldary tartylǵan «Batyl toitarys-2022» vedomstvoaralyq oqý-jattyǵýy osynyń jarqyn mysaly bolyp tabylady.
RHB qorǵaý mindetteri Tótenshe jaǵdai jáne Ishki ister ministrligi jergilikti atqarý organdary men tyǵyz ózara is-qimyldy pysyqtaýdy atap ótýge bolady. Qazirgi tańda RQB Qorǵaý bólimsheleri men bólimderi qazirgi zamanaýi qaýip-qater spektrin eskerip, suranysqa óte ie.
RHB qorǵaý áskerlerine kovid basylǵanymen, biraq bizge tynyshtyq bolǵan joq. mysaly, 2020 jyly Memleket basshysynyń tapsyrmasymen biologiialyq qaýipsizdik qamtamasyz etýge sol ataýǵa sáikes QR Zańyn ázirlep, qabyldaý týraly tapsyrmasy bolǵan. Soǵan bailanysty bizdiń departament RHB qorǵaý jáne ekologiialyq qaýipsizdik departamentiniń ókili birqatar memlekettik organdarymen qosylyp, sol mindetti oryndap shyqty. Kovid infektsiiasy seiilgenimen, álemniń túkpir-túkpirinde basqa da infektsiialyq aýrýlar týyndaýda. Onyń barlyǵyna bizdiń tarapynan jitik nazar aýdaryldy. Mysaly, jaqynda birqatar memleketterde maimyl sheshegi siiaqty indet taralý ústinde. Sonymen qatar, odan da basqa patagendik-biologiialyq agentter jappai taratý qaýipi kúndelikti qaýpi bar. RQB Qorǵaý áskerleri úshin tynyshtyq kezeńder áli de ornatylmaǵan dep aitýǵa bolady», – deidi Nurlan Abýov.
Osy oraida QR Qarýly kúshteri Bas shtaby radiatsiialyq-himiialyq biologiialyq Qorǵanys jáne ekologiialyq qaýipsizdik áskerleri departamentiniń aǵa-ofitseri Qurlyq áskerleri áskeri institýtynda RHB mamandarynyń alǵashqy túlekteri ózderin qalai kórsetip júrgenin áńgimeledi.
«RHB qorǵaý áskerleriniń kadrlaryn qorǵaý júiesi únemi jetildirilip otyrylady. Sońǵy jyldary Almaty qalasynda ornalasqan Qurlyq áskerleriniń áskeri institýtynda RQB Qorǵaý áskerleriniń ofitserlerin ofitserlik kadrlaryn daiarlaý qolǵa alynǵan. Máselen, 2021 jyly QR aýmaǵynda alǵash ret osy mamannyń ofitserleri ázirlenip, túlek bolyp ushty. Sonymen qatar, birneshe jyl boiy zapastaǵy ofitserlerdi bizde Ońtústik Qazaqstan Memlekettik ýniversitetiniń áskeri kafedrasynda daiarlanyp keldi. Jáne sońǵy bir-eki jyldyń ishinde Qaraǵandy memlekettik ýniversitetinde áskeri kafedrasynda zapastaǵy ofitserlerdi daiarlaý bastaldy. Jańadan qatarǵa qosylǵan ofitserlerdi ádettegidei bastapqy áskeri laýazymdarǵa, iaǵni vzvod komandirleri laýazymdaryna úlestirildi. Jáne birinshi bir jyl ótti deýge bolady, eshqandai komandirler tarapynan biz sógis nemese bir oǵash sóz estimedik.
Al radiatsiialyq-himiialyq biologiialyq Qorǵanys áskerleriniń aldaǵy damý perspektivalary RHB Qorǵaý áskeri mamandarynyń jaýyngerlik jáne arnaiy daiarlaý ádisteri men tásilderin odan ary jetildirý. Al keibir baǵyttar boiynsha, shetelderdiń qarýly kúshteriniń tájiribesine bizdiń qyzyǵýshylyǵymyz bar. Sondai-aq otandyq Qorǵanys ónerkásiptik keshenmen ózara árekettesýdi kúsheitýdi qarastyramyz. Bul máselede áli damý múmkindikteri bar. RHB Qorǵaý quraldary men qarý-jaraǵyn qurý, jańǵyrtý boiynsha birqatar perspektivaly ideialar bar. Budan basqa, QR qarýly kúshteri Joǵarǵy bas qolbasshysynyń eldiń qaýipsizdigine tónetin qaýip-qaterlerdi tómendetý jáne olarǵa qarsy is-qimyl máseleleri jónindegi tapsyrmalaryna sáikes QR basqa da memlekettik organdarymen tyǵyz jumys isteitin bolamyz», – deidi Nurlan Abýov.
