Rio-de-Janeiro biligi jyl saiyn ótetin áigili karnavaldan bas tartty. Bul týraly qala meri Edýardý Paes óziniń Twitter paraqshasynda jazdy, dep habarlaidy "Ult aqparat".
Qyrkúiek aiynda Rio-de-Janeirodaǵy karnavaldy uiymdastyrýshylar koronavirýs jaǵdaiyna bailanysty ony 2021 jyldyń aqpan aiynda ótkizýden bas tartqan bolatyn. Al qarashada samba mektepteriniń ligasy halyqty vaktsinatsiialaýda jetistikter bolsa, sharany shilde aiynda ótkizýdi usynǵan edi.
«Men karnavalǵa degen qushtarlyǵymdy esh jasyrǵan emespin jáne osy mádeni sharanyń qalamyz úshin ekonomikalyq mańyzdylyǵy týraly kózqarasymdy da aitqan bolatynmyn. Alaida qazir karnavaldy shilde aiynda ótkizemiz dep oilaýdyń maǵynasy joq», – dep jazdy Paes.
Rio-de-Janeiro meriniń aitýynsha, mereke úlken daiyndyqty qajet etedi, al bul qazirgi kezde múmkin emes.
«Árine, 2022 jyly biz (barlyǵymyz tiisti túrde vaktsinatsiialanǵanda) mádenietimizdi ózimizge laiyq deńgeide joǵary qarqynmen atap ótetin bolamyz», – dep qosty mer.
Riodaǵy karnaval – samba mektepteriniń saltanatty sherýi, onyń barysynda ár mektep túrli siýjetterdi sahnalaidy. Mereke chempiondardyń sherýimen aiaqtalady. Karnaval kezinde sulýlyq konkýrstary, maskaradtar men kostiýmder konkýrstary da ótkiziledi.
Aita ketken jón, Braziliia – COVID-19 pandemiiasyna eń kóp ushyraǵan memleketterdiń biri. Sońǵy málimetter boiynsha elde koronavirýsty juqtyrýdyń 8 697 368 jaǵdaiy tirkeldi, 214 147 adam qaitys boldy.
