Irakta saparmen júrmen Rim papasy Frantsisk jeksenbi, 7 naýryz kúni eldiń soltústigindegi Mosýl qalasyna bardy.
Bul qalany úsh jyldan astam ýaqyt boiy "Islam memleketi" terror uiymynyń sodyrlary baqylaǵan. Qalany 2017 jyly halyqaralyq koalitsiianyń qoldaýymen qoldaýymen Irak áskeri azat etti.
Rim papasy dinshilder aldynda qiraǵan shirkeýler arasynda turyp sóiledi. Bul shirkeýler qalany azat etý soǵysy kezinde búlingen.
Jeksenbi keshki ýaqytta katolik shirkeýiniń basshysy Erbil qalasynyń stadionynda messa ǵibadatyn oryndamaq. Qala – Iraktaǵy Kúrdistan avtonomiiasy ortalyqtarynyń biri.
Senbi, 6 naýryz kúni Rim papasy shiit musylmandarynyń bedeldi rýhani kósemderiniń biri aiatolla Áli Sistanimen kezdesti. Nadjaf qalasynda ótken kezdesýde Irakta birneshe konfessiia ókilderiniń beibit ómir súre alýy múmkindigi talqylandy.
Rim papasy Frantsisk Irakqa juma, 5 naýryz kúni kelgen. Osyǵan deiin katolik shirkeýiniń basshylary bul elge kelemegen.
Musylman eli sanalatyn Irakta 300 myń hristian turady. 1987 jyly hristiandardyń sany bir jarym million shamasynda bolǵan. Olardyń kóbi "Islam memleketi" terror uiymy men shiit jasaqtarynan tóngen qaýipten qorqyp, elden qashty. Elde qalǵandaryna jumys tabý qiyn.
