يراكتا ساپارمەن جٷرمەن ريم پاپاسى فرانتسيسك جەكسەنبٸ, 7 ناۋرىز كٷنٸ ەلدٸڭ سولتٷستٸگٸندەگٸ موسۋل قالاسىنا باردى.
بۇل قالانى ٷش جىلدان استام ۋاقىت بويى "يسلام مەملەكەتٸ" تەررور ۇيىمىنىڭ سودىرلارى باقىلاعان. قالانى 2017 جىلى حالىقارالىق كواليتسييانىڭ قولداۋىمەن قولداۋىمەن يراك ەسكەرٸ ازات ەتتٸ.
ريم پاپاسى دٸنشٸلدەر الدىندا قيراعان شٸركەۋلەر اراسىندا تۇرىپ سٶيلەدٸ. بۇل شٸركەۋلەر قالانى ازات ەتۋ سوعىسى كەزٸندە بٷلٸنگەن.
جەكسەنبٸ كەشكٸ ۋاقىتتا كاتوليك شٸركەۋٸنٸڭ باسشىسى ەربيل قالاسىنىڭ ستاديونىندا مەسسا عيباداتىن ورىنداماق. قالا – يراكتاعى كٷردٸستان اۆتونوميياسى ورتالىقتارىنىڭ بٸرٸ.
سەنبٸ, 6 ناۋرىز كٷنٸ ريم پاپاسى شييت مۇسىلماندارىنىڭ بەدەلدٸ رۋحاني كٶسەمدەرٸنٸڭ بٸرٸ اياتوللا ەلي سيستانيمەن كەزدەستٸ. نادجاف قالاسىندا ٶتكەن كەزدەسۋدە يراكتا بٸرنەشە كونفەسسييا ٶكٸلدەرٸنٸڭ بەيبٸت ٶمٸر سٷرە الۋى مٷمكٸندٸگٸ تالقىلاندى.
ريم پاپاسى فرانتسيسك يراكقا جۇما, 5 ناۋرىز كٷنٸ كەلگەن. وسىعان دەيٸن كاتوليك شٸركەۋٸنٸڭ باسشىلارى بۇل ەلگە كەلەمەگەن.
مۇسىلمان ەلٸ سانالاتىن يراكتا 300 مىڭ حريستيان تۇرادى. 1987 جىلى حريستيانداردىڭ سانى بٸر جارىم ميلليون شاماسىندا بولعان. ولاردىڭ كٶبٸ "يسلام مەملەكەتٸ" تەررور ۇيىمى مەن شييت جاساقتارىنان تٶنگەن قاۋٸپتەن قورقىپ, ەلدەن قاشتى. ەلدە قالعاندارىنا جۇمىس تابۋ قيىن.
