Tótenshe jaǵdailar ministrliginiń resmi ókili Talǵat Ýáli Ridder qalasy men Leshozda kentinde órttiń qaita tutaný qaýpi týraly pikir bildirdi, dep habarlaidy "Ult aqparat".
«Ridderde órt tolyǵymen joiyldy. Qazir ormannyń jekelegen ýchaskelerin sóndirý júrip jatyr, onda aǵash dińderi byqsyp jatyr. Keshke qarai tolyǵymen sóndiriledi dep úmittenemiz. Qazir táýekelder týraly aitý qiyn. Bul týraly aldyn ala boljam aitý múmkin emes. Bári órt qaldyqtaryn joiý barysynda túsinikti bolady», - degen Talǵat Ýáli endigi másele aýa raiyna bailanysty ekenin aitty.
«Eger qatty jel bolmasa, fors-major bolmaidy dep úmittenemiz», - dedi resmi ókil.
Eske salsaq, keshe Ridderde aýqymdy órt bolyp saldarynan eki adam aýrýhanaǵa túsip, 73 jastaǵy áiel adam kóz jumdy. Sońǵy derek boiynsh 283 gektar aýmaq otqa oranǵan.
Prezident Qasym-Jomart Toqaev Ridderdegi turǵyn úilerdi qamtyǵan iri orman órtine nazar aýdaryp, jaýapty oryndarǵa zardap shekkenderge der kezinde kómek kórsetý týraly tapsyrma berdi.
