"Ridder JEO" AQ-da apat bolyp, saldarynan 22 myń abonent jylýsyz qaldy. Osyǵan bailanysty qalada tótenshe jaǵdai jariialandy, - dep habarlaidy Massaget.kz portaly.
5 qarashada saǵat 20:00-de "Ridder JEO" AQ-da kúl shyǵarý júiesindegi sorǵy isten shyǵyp, saldarynan № 1 qazandyq agregatynyń qosalqy jabdyǵy apat jaǵdaiynda ajyratylǵan.
Salqyndatqyshtyń temperatýrasy josparlanǵan +70 gradýsta +39 gradýsqa deiin tómendedi. Búginde qalanyń 22 myńnan astam abonentine jylý berý tómendetilipti.
7 qarashadan bastap oqýshylar qashyqtan oqidy, sonymen qatar, mektepke deiingi mekemeler jumysyn toqtatady.
Oblys ákimi Danial Ahmetov túnde shuǵyl Ridderge kelgen. Ol apat jaǵdaiyn joiý jónindegi shtabty basqarady. Shtab táýlik boiy jumys isteitini aitylady.
Resmi málimet boiynsha, qazirgi ýaqytta kúl shyǵarý júiesinde qozǵaltqysh aýystyryldy, iske qosý-jóndeý jumystary júrgizilip jatyr. JEO-ǵa qosymsha 120 tonna mazýt jetkizildi, otyndy jóneltý jumystary júrip jatyr.
Apat saldaryn joiý úshin "Qazmyrysh" JShS JEO-ǵa 20-dan astam qyzmetker jiberip, jóndeý-qalpyna keltirý jumystaryna qosymsha jabdyqtar bóldi. Sondai-aq, Óskemennen kómek retinde "Vostokvzryvprom" JShS-niń 20 qyzmetkeri kelipti.
"Tabiǵi jáne tehnogendik sipattaǵy tótenshe jaǵdailar jiktemesin bekitý týraly" Úkimettiń 2014 jylǵy 2 shildedegi № 756 qaýlysyna sáikes bul apattyq jaǵdai jergilikti aýqymdaǵy TJ retinde qarastyrylady.
Jaǵdai ákimdiktiń baqylaýynda.
