"ريددەر جەو" اق-دا اپات بولىپ, سالدارىنان 22 مىڭ ابونەنت جىلۋسىز قالدى. وسىعان بايلانىستى قالادا تٶتەنشە جاعداي جارييالاندى, - دەپ حابارلايدى Massaget.kz پورتالى.
5 قاراشادا ساعات 20:00-دە "ريددەر جەو" اق-دا كٷل شىعارۋ جٷيەسٸندەگٸ سورعى ٸستەن شىعىپ, سالدارىنان № 1 قازاندىق اگرەگاتىنىڭ قوسالقى جابدىعى اپات جاعدايىندا اجىراتىلعان.
سالقىنداتقىشتىڭ تەمپەراتۋراسى جوسپارلانعان +70 گرادۋستا +39 گرادۋسقا دەيٸن تٶمەندەدٸ. بٷگٸندە قالانىڭ 22 مىڭنان استام ابونەنتٸنە جىلۋ بەرۋ تٶمەندەتٸلٸپتٸ.
7 قاراشادان باستاپ وقۋشىلار قاشىقتان وقيدى, سونىمەن قاتار, مەكتەپكە دەيٸنگٸ مەكەمەلەر جۇمىسىن توقتاتادى.
وبلىس ەكٸمٸ دانيال احمەتوۆ تٷندە شۇعىل ريددەرگە كەلگەن. ول اپات جاعدايىن جويۋ جٶنٸندەگٸ شتابتى باسقارادى. شتاب تەۋلٸك بويى جۇمىس ٸستەيتٸنٸ ايتىلادى.
رەسمي مەلٸمەت بويىنشا, قازٸرگٸ ۋاقىتتا كٷل شىعارۋ جٷيەسٸندە قوزعالتقىش اۋىستىرىلدى, ٸسكە قوسۋ-جٶندەۋ جۇمىستارى جٷرگٸزٸلٸپ جاتىر. جەو-عا قوسىمشا 120 توننا مازۋت جەتكٸزٸلدٸ, وتىندى جٶنەلتۋ جۇمىستارى جٷرٸپ جاتىر.
اپات سالدارىن جويۋ ٷشٸن "قازمىرىش" جشس جەو-عا 20-دان استام قىزمەتكەر جٸبەرٸپ, جٶندەۋ-قالپىنا كەلتٸرۋ جۇمىستارىنا قوسىمشا جابدىقتار بٶلدٸ. سونداي-اق, ٶسكەمەننەن كٶمەك رەتٸندە "ۆوستوكۆزرىۆپروم" جشس-نٸڭ 20 قىزمەتكەرٸ كەلٸپتٸ.
"تابيعي جەنە تەحنوگەندٸك سيپاتتاعى تٶتەنشە جاعدايلار جٸكتەمەسٸن بەكٸتۋ تۋرالى" ٷكٸمەتتٸڭ 2014 جىلعى 2 شٸلدەدەگٸ № 756 قاۋلىسىنا سەيكەس بۇل اپاتتىق جاعداي جەرگٸلٸكتٸ اۋقىمداعى تج رەتٸندە قاراستىرىلادى.
جاعداي ەكٸمدٸكتٸڭ باقىلاۋىندا.
