© Photo: Úkimet basshysynyń baspasóz qyzmeti
QMA Shyǵys Qazaqstan oblysy boiynsha departamenti Ridder JEO-nyń burynǵy basshylaryna qatysty alaiaqtyq faktisi boiynsha isti tergep jatyr, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
Olar aldaý jáne senimdi teris paidalaný arqyly bótenniń múlkin jymqyryp, memleketke asa iri kólemde - 4,1 mlrd teńge zalal keltirgen degen kúdikke ilingen.
"Tergeý barysynda JEO jabdyqtarynyń tozýy men jylý energiiasyn berý júiesiniń birneshe ret isten shyǵýyna jóndeý jumystaryn júrgizýge arnalǵan qarajattyń júieli túrde urlanýy sebep bolǵany anyqtaldy.
2018-2022 jyldar aralyǵynda Ridder JEO-nyń burynǵy laýazymdy tulǵalary ǵylymi-tehnikalyq qyzmet kórsetý, qazandyqtarǵa, jylý jelilerine jáne týrbogeneratorlarǵa kúrdeli jóndeý jumystaryn júrgizý úshin kásiporyndarmen jalǵan kelisim-sharttar jasap, ýákiletti organǵa jalǵan esepter usynǵan.
Tergeý barysynda qabyldanǵan sharalar men QR Premer-Ministr tóraǵalyq etetin Úkimet janyndaǵy Ekonomikany demonopolizatsiialaý jónindegi komissiia sheńberinde Ridder qalasyndaǵy jylý energiiasyn óndirý stantsiiasyn memleket menshigine berý arqyly keltirilgen shyǵyndy óteý qamtamasyz etildi. Onyń quny shamamen 5,5 mlrd teńgeni quraidy" - delingen habarlamada.
QR QPK 201-babynyń talaptaryna sáikes sotqa deiingi tergep-tekserýdiń ózge de derekteri jariia etilýge jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
