Ridderdegi jylý elektr ortalyǵyndaǵy apattyq jaǵdai joiylyp, qala turǵyndarynyń úilerine jylý kire bastady, - dep habarlaidy Tengrinews.kz agenttigi.
Resmi aqparatqa sáikes, Ridderdegi jylý elektr ortalyǵyndaǵy apatty joiýǵa Shyǵys Qazaqstannyń túkpir-túkpirinen iri óndiristik jáne kommýnaldyq kásiporyndardyń ókilderi qatysyp jatyr. Jumys táýlik boiy júredi.
"Ridder JEO-da bolǵan tótenshe jaǵdaidy joiý boiynsha toptardyń táýlik boiy jumys isteitin tórtinshi kúni bastaldy. Keshe túske qarai 3 qazandyq iske qosylyp, júiede temperatýra 57 gradýsqa deiin kóterildi. Al saǵat 21.00-de joǵary qysymdy qazandyq jaǵyldy", - dep jazdy Shyǵys Qazaqstan oblysynyń ákimi Daniel Ahmetov Instagram jelisindegi paraqshasynda.
Onyń aitýynsha, qazirgi ýaqytta eń mańyzdy másele - №4 qazandyqty jóndeý.
Ridderlikter úilerine jylý berile bastaǵany týraly Jelide jarysa jazyp jatyr.
"Jaraidy, qudaiǵa shúkir, batareialar baiaý bolsa da qyza bastady. Qiyndyǵymyzǵa jaýap bergenderge rahmet. Olardyń buǵan qatysy joq. Olar 24 saǵat jumys isteidi", "Sizderge kóp rahmet, sýymyz bar, úiimiz jylyǵanyna qýanyshtymyz", "Sý jylydy, batareialar aqyryndap qyzyp jatyr", - dep jazdy turǵyndar.
