ريددەردەگٸ جىلۋ ەلەكتر ورتالىعىنداعى اپاتتىق جاعداي جويىلىپ, قالا تۇرعىندارىنىڭ ٷيلەرٸنە جىلۋ كٸرە باستادى, - دەپ حابارلايدى Tengrinews.kz اگەنتتٸگٸ.
رەسمي اقپاراتقا سەيكەس, ريددەردەگٸ جىلۋ ەلەكتر ورتالىعىنداعى اپاتتى جويۋعا شىعىس قازاقستاننىڭ تٷكپٸر-تٷكپٸرٸنەن ٸرٸ ٶندٸرٸستٸك جەنە كوممۋنالدىق كەسٸپورىنداردىڭ ٶكٸلدەرٸ قاتىسىپ جاتىر. جۇمىس تەۋلٸك بويى جٷرەدٸ.
"ريددەر جەو-دا بولعان تٶتەنشە جاعدايدى جويۋ بويىنشا توپتاردىڭ تەۋلٸك بويى جۇمىس ٸستەيتٸن تٶرتٸنشٸ كٷنٸ باستالدى. كەشە تٷسكە قاراي 3 قازاندىق ٸسكە قوسىلىپ, جٷيەدە تەمپەراتۋرا 57 گرادۋسقا دەيٸن كٶتەرٸلدٸ. ال ساعات 21.00-دە جوعارى قىسىمدى قازاندىق جاعىلدى", - دەپ جازدى شىعىس قازاقستان وبلىسىنىڭ ەكٸمٸ دانيەل احمەتوۆ Instagram جەلٸسٸندەگٸ پاراقشاسىندا.
ونىڭ ايتۋىنشا, قازٸرگٸ ۋاقىتتا ەڭ ماڭىزدى مەسەلە - №4 قازاندىقتى جٶندەۋ.
ريددەرلٸكتەر ٷيلەرٸنە جىلۋ بەرٸلە باستاعانى تۋرالى جەلٸدە جارىسا جازىپ جاتىر.
"جارايدى, قۇدايعا شٷكٸر, باتارەيالار باياۋ بولسا دا قىزا باستادى. قيىندىعىمىزعا جاۋاپ بەرگەندەرگە راحمەت. ولاردىڭ بۇعان قاتىسى جوق. ولار 24 ساعات جۇمىس ٸستەيدٸ", "سٸزدەرگە كٶپ راحمەت, سۋىمىز بار, ٷيٸمٸز جىلىعانىنا قۋانىشتىمىز", "سۋ جىلىدى, باتارەيالار اقىرىنداپ قىزىپ جاتىر", - دەپ جازدى تۇرعىندار.
