Ridderde BMW H5 júrgizýshisi 1999 jylǵy jaiaý júrginshini qaǵyp óltirdi, - dep habarlaidy Tengrinews.kz tilshisi ShQO IID baspasóz qyzmetine silteme jasap.
Jol-kólik oqiǵasy 2018 jyldyń 15 sáýirinde shamamen saǵat 21.00-de bolǵan. BMW H5 júrgizýshisi Aidarhanov kóshesimen kele jatyp, jaiaý júrginshin qaǵyp ketken. Jol apaty nátijesinde er adam jedel járdem kelgenshe qaza bolǵan.
"BMW H5 júrgizýshisiniń mas kúide bolǵany jáne onyń Ridder ákiminiń orynbasary ekeni belgili boldy. Ol ustalyp, ýaqytsha ustaý izoliatoryna qamaldy", - dep habarlady politsiiadaǵylar.
Ridderdiń IIB ókilderi QR Qylmystyq kodeksiniń 345-baby 3-bóligi boiynsha sotqa deiingi tergeý jumystaryn bastady. Oblys ákiminiń tapsyrmasy boiynsha ShQO IID basshysy osy jol apaty deregin erekshe baqylaýǵa aldy.
