Resei Prezidenti Vladimir Pýtin RF Qaýipsizdik keńesi tóraǵasynyń orynbasary jańa laýazymyn engizip, oǵan Ministrler kabinetiniń burynǵy basshysy Dmitrii Medvedevti taǵaiyndaýdy usyndy, dep habarlaidy "Ult aqparat".
V.Pýtin Ministrler kabinetine qol jetkizilgen jetistikter úshin alǵys aitty. «Úkimettiń jańa quramy qurylǵanǵa deiin óz mindetterińizdi tolyq kólemde atqarýdy suraimyn», - dedi ol RF Úkimetiniń eks-tóraǵasymen kezdesý barysynda.
El Prezidenti sondai-aq D.Medvedevtiń Premer-ministr laýazymynda úlken tájiribesi baryn jáne ol ár ýaqytta qaýipsizdik pen qorǵanys máselelerimen ainalysqanyn atap ótti.
«Bul múmkin dep sanaimyn jáne odan naqty osy sanattaǵy máselelerdi qolǵa alýdy ótindim. Aldaǵy ýaqytta muny iske asyramyn – RF Qaýipsizdik keńesi tóraǵasynyń orynbasary laýazymy engiziletin bolady. Qaýipsizdik keńesiniń tóraǵasy Prezident ekeni belgili. Eger qoldanystaǵy zańǵa ózgerister engizý qajet bolsa, muny jasaýǵa daiynmyn. Taiaý kúnderi depýtattardy da qoldaý bildirýge shaqyratyn bolamyn», - dedi RF basshysy.
Eske salaiyq, búgin V.Pýtin RF Federaldy jinalysynyń aldynda joldaýyn jariialap, onda aldaǵy kezeńdegi jumystardyń basymdyqtaryn aiqyndady. Sondai-aq el Konstitýtsiiasyna ózgerister engizýdi usyndy. Keiin el Úkimeti tolyq quramda otstavkaǵa ketetini málim boldy.
