- Búgin QR Prezidentiniń janyndaǵy Memlekettik qyzmet akademiiasynda «Memlekettik basqarý: Qazaqstan tájiribesi» taqyrybynda Resei Federatsiiasynyń basqarýshylyq kadrlar rezerviniń bastapqy jáne perspektivaly deńgeii úshin taǵylymdamadan ótý baǵdarlamasy bastaldy, dep habarlaidy QazAqparat.
Atap aitqanda, taǵylymdamadan ótý baǵdarlamasyna Máskeý, Sankt-Peterbor, Hakasiia Respýblikasynyń, Qalmyq Respýblikasynyń, Saha Respýblikasynyń jáne Novosibir, Qorǵan, Kaliningrad oblystary men Resei Federatsiiasynyń basqa da óńirlerinen 30 memlekettik qyzmetshi qatysýda.
Baǵdarlama maqsaty - Resei Federatsiiasynyń memlekettik qyzmetshilerin memlekettik basqarý jáne memlekettik qyzmet salasyndaǵy Qazaqstan Respýblikasynyń tájiribesimen tanystyrý. Osy tusta taǵy bir aita keterlik jait, taǵylymdamadan ótý baǵdarlamasy Resei tarapynyń suranysyna bailanysty uiymdastyrylýda. Baǵdarlama barysynda Qazaqstan Respýblikasynyń ekonomikalyq saiasatty qalyptastyrý jáne iske asyrý isimen, sonymen qatar, membasqarý tájiribesi jáne turaqty damý saiasaty barysymen tanysý qarastyrylatyn bolady.
Taǵylymdamadan ótý is-sharalary barysynda Resei tarapy, Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttiginiń, QR Bilim jáne ǵylym ministrliginiń, QR Investitsiialar jáne damý ministrliginiń, Qazaqstandyq memlekettik-jeke menshik áriptestik ortalyǵynyń, «Halyqaralyq baǵdarlamalar ortalyǵy» AQ, Memlekettik korporatsiianyń, «Úkimet-azamattar úshin», «Ekonomikalyq zertteýler institýty», sondai-aq basqa uiymdardyń ókilderimen kezdesedi. Munymen qosa, Halyqqa qyzmet kórsetý ortalyqtarynda oqytý sharalary josparlanýda.
Barlyq quqyqtar qorǵalǵan. inform.kz belsendi siltemeni paidalanyńyz http://www.inform.kz/kz/rf-memkyzmetkerleri-kazakstanga-okuga-keldi_a2974209
.jpeg)