Foto: Aqorda
Qasym-Jomart Toqaev Rejep Taiip Erdoǵan Qazaqstannyń eń joǵary rýhani marapattarynyń biri – «Qoja Ahmet Iasaýi» ordenimen marapattady, dep habarlaidy Ult.kz.
Memleket basshysy Túrkiia kóshbasshysynyń túrki áleminiń birligi men halyqaralyq saiasattaǵy rólin erekshe atap ótti.
Prezidenttiń aitýynsha, Rejep Taiip Erdoǵan – óz halqyn órkendeý jolyna bastap kele jatqan álemdik deńgeidegi saiasatker.
– «Prezident Erdoǵan – jahandyq saiasatta ádildik pen jaýapkershilik qaǵidatyn tabandy túrde qorǵap júrgen asa kórnekti qairatker. Sizdiń “Álem besten úlken” atty tujyrymdamańyz barshaǵa belgili. Bul halyqaralyq qatynastar júiesindegi teńsizdikke qarsy aitylǵan batyl úndeý ekeni sózsiz», – dedi Qasym-Jomart Toqaev.
Memleket basshysy Erdoǵannyń Túrki memleketteri uiymyn nyǵaitýǵa qosqan úlesin de joǵary baǵalady.
Rejep Taiip Erdoǵan Túrkistannyń piri Qoja Ahmet Iasaýi atyndaǵy erekshe ordenniń alǵash ret ózine berilgenine qýanyshty ekenin jetkizdi.
– Bul ordendi Túrkiia Respýblikasy jáne túrik ultyna degen iltipatyńyzdyń belgisi dep qabyldaimyn. Osy oraida elderimiz arasyndaǵy baýyrlastyqty bekemdeý baǵytyndaǵy kóregen saiasatyńyz úshin Sizge, qurmetti baýyrym, alǵys aitamyn. Baýyrlastyǵymyz, dostyǵymyz laiym máńgi bolsyn! – dedi Túrkiia Prezidenti.
