Respýblikalyq joldardaǵy 482 ýchaskeni sý basý qaýpi bar. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Respýblikalyq mańyzy bar avtojoldardy daiyndaý boiynsha sý tasqynyna qarsy is-sharalar jospary bekitildi. Ortalyq jáne aimaqtyq deńgeide jol qyzmeti ókilderinen komissiialar quryldy. Qazirgi tańda respýblikalyq joldardyń uzyndyǵy 25 myń shaqyrym. 1 298 kópir jáne 15 070 sý ótkizý qubyry bar. Onyń ishinde 482 qaýipti ýchaske, 739 qubyr jáne 59 kópir baqylaýǵa alyndy. 883 jol-paidalaný tehnikasy bekitildi. Táýlik boiy kezekshilik uiymdastyryldy. Avtojoldar men joldardaǵy ǵimarattar baqylaýǵa alyndy», - dedi ministr.
Onyń aitýynsha, sý tasqyny kezeńinde jumystardy ýaqytyly uiymdastyrý úshin qazirgi tańda qajetti materialdar 100 paiyz daiyndaldy. Sý ótkizý qubyrlarynyń tesikterin jáne kópir astyndaǵy arnalardy qardan tazartý jumystary bastaldy. Sondai-aq, rekonstrýktsiialaý jáne kúrdeli jóndeý barysynda avtojoldardyń sý tasqyny qaýpi bar ýchaskelerinde sańylaýlardyń diametri men sý ótkizý qubyrlarynyń sany ulǵaitylady. Úiindiniń biiktigin arttyrý jáne taǵy basqa sharalar esebinen tasqyn sýlardyń ótkizý qabiletin arttyrý úshin kópirler men sý ótkizý qubyrlary qosymsha ornatylady.
«Jalpy sý tasqynyna qarsy sharalardy oryndaý barysynda óńirlerdiń aýa-raiy jaǵdaiy, sondai-aq ótken jyldardaǵy sý tasqyny kezeńiniń nátijeleri eskeriledi. Sý tasqynyna qarsy is-sharalar respýblikalyq mańyzy bar avtojoldardy kútip ustaýǵa bólingen qarajatpen atqarylady», - dedi Beibit Atamqulov.
