رەسپۋبليكالىق جولدارداعى 482 ۋچاسكەنٸ سۋ باسۋ قاۋپٸ بار. بۇل تۋرالى بٷگٸن ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«رەسپۋبليكالىق ماڭىزى بار اۆتوجولداردى دايىنداۋ بويىنشا سۋ تاسقىنىنا قارسى ٸس-شارالار جوسپارى بەكٸتٸلدٸ. ورتالىق جەنە ايماقتىق دەڭگەيدە جول قىزمەتٸ ٶكٸلدەرٸنەن كوميسسييالار قۇرىلدى. قازٸرگٸ تاڭدا رەسپۋبليكالىق جولداردىڭ ۇزىندىعى 25 مىڭ شاقىرىم. 1 298 كٶپٸر جەنە 15 070 سۋ ٶتكٸزۋ قۇبىرى بار. ونىڭ ٸشٸندە 482 قاۋٸپتٸ ۋچاسكە, 739 قۇبىر جەنە 59 كٶپٸر باقىلاۋعا الىندى. 883 جول-پايدالانۋ تەحنيكاسى بەكٸتٸلدٸ. تەۋلٸك بويى كەزەكشٸلٸك ۇيىمداستىرىلدى. اۆتوجولدار مەن جولدارداعى عيماراتتار باقىلاۋعا الىندى», - دەدٸ مينيستر.
ونىڭ ايتۋىنشا, سۋ تاسقىنى كەزەڭٸندە جۇمىستاردى ۋاقىتىلى ۇيىمداستىرۋ ٷشٸن قازٸرگٸ تاڭدا قاجەتتٸ ماتەريالدار 100 پايىز دايىندالدى. سۋ ٶتكٸزۋ قۇبىرلارىنىڭ تەسٸكتەرٸن جەنە كٶپٸر استىنداعى ارنالاردى قاردان تازارتۋ جۇمىستارى باستالدى. سونداي-اق, رەكونسترۋكتسييالاۋ جەنە كٷردەلٸ جٶندەۋ بارىسىندا اۆتوجولداردىڭ سۋ تاسقىنى قاۋپٸ بار ۋچاسكەلەرٸندە ساڭىلاۋلاردىڭ ديامەترٸ مەن سۋ ٶتكٸزۋ قۇبىرلارىنىڭ سانى ۇلعايتىلادى. ٷيٸندٸنٸڭ بيٸكتٸگٸن ارتتىرۋ جەنە تاعى باسقا شارالار ەسەبٸنەن تاسقىن سۋلاردىڭ ٶتكٸزۋ قابٸلەتٸن ارتتىرۋ ٷشٸن كٶپٸرلەر مەن سۋ ٶتكٸزۋ قۇبىرلارى قوسىمشا ورناتىلادى.
«جالپى سۋ تاسقىنىنا قارسى شارالاردى ورىنداۋ بارىسىندا ٶڭٸرلەردٸڭ اۋا-رايى جاعدايى, سونداي-اق ٶتكەن جىلدارداعى سۋ تاسقىنى كەزەڭٸنٸڭ نەتيجەلەرٸ ەسكەرٸلەدٸ. سۋ تاسقىنىنا قارسى ٸس-شارالار رەسپۋبليكالىق ماڭىزى بار اۆتوجولداردى كٷتٸپ ۇستاۋعا بٶلٸنگەن قاراجاتپەن اتقارىلادى», - دەدٸ بەيبٸت اتامقۇلوۆ.
