Respýblikalyq birqatar sport nysanynyń tozyǵy jetken. Bul týraly QR Mádeniet jáne sport ministri Dáýren Abaev aitty, dep habarlaidy QazAqparat.
«Ózderińiz de biletindei, qazirgi ýaqytta vedomstvoǵa qarasty barlyq uiymdy aralap jatyrmyz. Basty mindet – barlyq problemalarǵa qatysty mán-jaidy tolyq qalyptastyrý. Sodan keiin olardy kezeń-kezeńmen sheshý josparyn ázirleimiz.Bul máseleni jaýapty vitse-ministr tikelei baqylaýynda ustaýy tiis», - dedi Abaev ministrliktiń keńeitilgen alqa otyrysynda.
Onyń dereginshe, elordada ornalasqan «Saryarqa» respýblikalyq velotregi men «Alataý» sport keshenine jóndeý jumystaryn júrgizý qajet.
«Velotrek saldyq, tamasha ǵimarat. Qazirdiń ózinde aitardyqtai kúrdeli jóndeýdi qajet etedi. Ol jerde birde-bir iri deńgeidegi is-sharany ótkize almaimyz. Velotrek barlyq álemdik standartqa sai keledi. Biraq, shatyrynan sý aǵyp tur. Biz ol jerde is-shara ótkize almaimyz. Nemese Aziadaǵa salǵan «Alataý» kesheni búginde jartylai apattyq jaǵdaida tur. Qabyrǵalary jarylǵan. Barlyq mán-jaiyn anyqtaý qajet. Árine, qandai da bir qarjy qarajatyn soǵan jiberetin bolamyz. Ǵimaratymyz bar, endi olardy retke keltirý kerek», - dedi ministr.
