رەسپۋبليكالىق بٸرقاتار سپورت نىسانىنىڭ توزىعى جەتكەن. بۇل تۋرالى قر مەدەنيەت جەنە سپورت مينيسترٸ دەۋرەن اباەۆ ايتتى, دەپ حابارلايدى قازاقپارات.
«ٶزدەرٸڭٸز دە بٸلەتٸندەي, قازٸرگٸ ۋاقىتتا ۆەدومستۆوعا قاراستى بارلىق ۇيىمدى ارالاپ جاتىرمىز. باستى مٸندەت – بارلىق پروبلەمالارعا قاتىستى مەن-جايدى تولىق قالىپتاستىرۋ. سودان كەيٸن ولاردى كەزەڭ-كەزەڭمەن شەشۋ جوسپارىن ەزٸرلەيمٸز.بۇل مەسەلەنٸ جاۋاپتى ۆيتسە-مينيستر تٸكەلەي باقىلاۋىندا ۇستاۋى تيٸس», - دەدٸ اباەۆ مينيسترلٸكتٸڭ كەڭەيتٸلگەن القا وتىرىسىندا.
ونىڭ دەرەگٸنشە, ەلوردادا ورنالاسقان «سارىارقا» رەسپۋبليكالىق ۆەلوترەگٸ مەن «الاتاۋ» سپورت كەشەنٸنە جٶندەۋ جۇمىستارىن جٷرگٸزۋ قاجەت.
«ۆەلوترەك سالدىق, تاماشا عيمارات. قازٸردٸڭ ٶزٸندە ايتاردىقتاي كٷردەلٸ جٶندەۋدٸ قاجەت ەتەدٸ. ول جەردە بٸردە-بٸر ٸرٸ دەڭگەيدەگٸ ٸس-شارانى ٶتكٸزە المايمىز. ۆەلوترەك بارلىق ەلەمدٸك ستاندارتقا ساي كەلەدٸ. بٸراق, شاتىرىنان سۋ اعىپ تۇر. بٸز ول جەردە ٸس-شارا ٶتكٸزە المايمىز. نەمەسە ازياداعا سالعان «الاتاۋ» كەشەنٸ بٷگٸندە جارتىلاي اپاتتىق جاعدايدا تۇر. قابىرعالارى جارىلعان. بارلىق مەن-جايىن انىقتاۋ قاجەت. ەرينە, قانداي دا بٸر قارجى قاراجاتىن سوعان جٸبەرەتٸن بولامىز. عيماراتىمىز بار, ەندٸ ولاردى رەتكە كەلتٸرۋ كەرەك», - دەدٸ مينيستر.
