Prezident Qasym-Jomart Toqaev Respýblika kúni qarsańynda memlekettik nagradalar týraly Jarlyqqa qol qoidy, - dep habarlaidy "Ult aqparat" Aqorda saityna silteme jasap.
Respýblika kúni ulttyq merekesi qarsańynda Qazaqstan Respýblikasy Prezidentiniń Jarlyǵymen eldiń áleýmettik-ekonomikalyq jáne mádeni damýyna, halyqtar arasyndaǵy dostyq pen yntymaqtastyqty nyǵaitýǵa qosqan eleýli úlesi, belsendi qoǵamdyq qyzmeti úshin bir top azamat memlekettik nagradalarmen marapattaldy. Olardyń qatarynda óndiris, biznes, bilim berý, densaýlyq saqtaý salalarynyń kórnekti ókilderi, áskeri qyzmetshiler, quqyq qorǵaý organdarynyń qyzmetkerleri, sportshylar, eńbek ardagerleri, mádeniet jáne ǵylym qairatkerleri bar.
Qazaqstan Respýblikasyna sińirgen zor eńbegi úshin "Halyq qaharmany" ataǵy memleket jáne qoǵam qairatkeri Qaiyrbek Súleimenovke, áleýmettik-gýmanitarlyq damýdaǵy jáne óndiristik qyzmettegi asa úzdik jetistikteri úshin "Qazaqstannyń Eńbek Eri" ataǵy kórnekti jazýshy Dýlat Isabekovke jáne "AtyraýAgroÓnimderi" JShS direktory Vladimir Rozmetovke berildi.
"Otan" ordenimen "Q. Qýanyshbaev atyndaǵy memlekettik akademiialyq qazaq mýzykalyq drama teatry" RMQK artisi K.Áspetova jáne "Altyn–Ásel" JShS direktory H.Óteýuly, I dárejeli "Barys" ordenimen – qoǵam qairatkeri M.Áýezov, "Juldyz" jýrnalynyń Bas redaktory M.Qulkenov, "Avtomobil joldary basqarmasy" JShS direktory M.Úderbaev, II dárejeli "Barys" ordenimen – aqyn Ó.Oralbaev, "M. Áýezov atyndaǵy pedagogikalyq kolledj" KMQK direktory Sh.Janaeva, III dárejeli "Barys" ordenimen – "Qazaqstandyq zańgerler odaǵy" RQB tóraǵasy S.Aqylbai, "Ulttyq óner" JShS direktory T.Býrmistrova, belgili qoǵam qairatkeri J.Qulekeev, "J. Shanin atyndaǵy Shymkent qalalyq akademiialyq qazaq drama teatry" MKQK artisi S. Ótemisuly, "Ekonomika institýty" RMK bas direktory Á.Satybaldin jáne basqalar marapattaldy.
Belgili ǵalymdar, mádeniet qairatkerleriniń, óndiris salasy ókilderiniń eńbegi "Parasat" ordenimen atap ótildi, olardyń arasynda "Fitohimiia" halyqaralyq ǵylymi-óndiristik ortalyǵy" AQ bas direktory S.Ádekenov, "Shymkentmai" AQ prezidenti D.Adyrbekov, eńbek ardageri J.Amanbaev, Qazaqstandyq blokchein-tehnologiialar qaýymdastyǵynyń direktory S.Ahmetov, "Atameken" UKP tóralqa tóraǵasy R.Batalov, "Sh.Ýálihanov atyndaǵy Kókshetaý ýniversiteti" KeAQ basqarma tóraǵasynyń orynbasary – birinshi prorektory Ǵ.Baitoq, "A.Baitursynuly atyndaǵy Til bilimi institýty" RMQK bas ǵylymi qyzmetkeri T.Januzaqov, aqyn R.Búrkitbaeva, "D. Qonaev atyndaǵy Eýraziialyq zań akademiiasy" mekemesiniń rektory Ó.Jalairi, "Qorqyt Ata atyndaǵy Qyzylorda ýniversiteti" KeAQ professory B.Káribozuly, "N.Sats atyndaǵy orys memlekettik akademiialyq balalar men jasóspirimder teatry" RMQK jetekshi aktrisasy V.Krymskaia, "R.Súleimenov atyndaǵy Shyǵystaný institýty" RMK bas direktory D.Másimhanuly, saiasattanýshy B.Nurmuhamedov, "Astana meditsina ýniversiteti" KeAQ kafedra meńgerýshisi R.Raqymjanova, M. Lomonosov atyndaǵy MMÝ Qazaqstandyq filialynyń direktory A.Sidorovich, Qazaqstan musylmandar dini basqarmasynyń tóraǵasy N.Ótpenov bar.
II dárejeli "Dostyq" ordenine "Tatneft" AAQ bas direktory Nail Maganov, "Astana" halyqaralyq qarjy ortalyǵy" AQ halyqaralyq tórelik ortalyǵynyń tóraǵasy Barbara Domann, Mońǵol ǵylym akademiiasy Arheologiia institýtynyń bólim meńgerýshisi Altangereliin Enhtor jáne basqalar ie boldy.
"Qurmet" ordenimen marapattalǵandar qatarynda "Ortalyq memlekettik kino-foto qujattar men dybys jazbalary arhivi" RMM bas sarapshysy L.Aqtaeva, "Respýblikalyq qan ortalyǵy" RMK direktory D.Bekirov, "Kazahstanskaia pravda" gazetiniń Túrkistan oblysy men Shymkent qalasy boiynsha menshikti tilshisi L.Dobrota, "Pavlodar qalasynyń № 16 mektep-litseii" KMM muǵalimi J.Jaqsylyqova, "Úrjar aýdanynyń № 2 aýdandyq aýrýhanasy" KMK bas dárigeri N.Jaqiianova, "Alataý" teatrynyń direktory R.Zaitov, "Miras" ShQ basshysy B.Qarabaev, Jetisý oblysynyń olimpiadalyq rezerv daiyndaý ortalyǵynyń direktory M.Mamyrov, "Iadrolyq fizika institýty" RMK bas injeneri A.Martiýshov, eńbek ardageri M.Súleimenov bar.
Ónerkásip, transport, qurylys, aýyl sharýashylyǵy jáne basqa materialdyq óndiris salalarynyń 76 jumysshysy men eńbekkeri, sonyń ishinde 2 eńbek dinastiiasynyń ókilderi "Eńbek Dańqy" ordeniniń iegeri atandy.
"Qazaqstannyń eńbek sińirgen qairatkeri" qurmetti ataǵy ǵylym jáne mádeniettiń 28 kórnekti ókiline berildi. Qazaqstan Respýblikasynyń Qurmet gramotasymen 260 adam nagradtaldy.
Áskeri jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, eldiń ulttyq qaýipsizdigin nyǵaitýda kórsetken erligi men janqiiarlyǵy úshin áskeri qyzmetshiler men quqyq qorǵaý organdary ókilderiniń bir toby II dárejeli "Dańq", II jáne III dárejeli "Aibyn" ordenderimen, "Erligi úshin" jáne "Jaýyngerlik erligi úshin" medaldarymen marapattaldy.
Nagradtalǵandardyń tizimi jergilikti baspasózde jariialanady.
