Reseimen aradaǵy shekarany tolyq demarkatsiialaýǵa 2-3 jyl ýaqyt kerek. Bul týraly QR Premer-Ministriniń orynbasary - Syrtqy ister ministri Muhtar Tileýberdi aitty, dep habarlaidy QazAqparat.
Búgin Senatta ótken baspasóz máslihatynda tilshiler ministrden Reseimen arada demarkatsiialanbaǵan aýmaqtar boiynsha jumystar qashan aiaqtalatynyn surady.
«Qazaqstan men Reseidiń shekarasy 7,5 myń shaqyrymnan astam. Onyń 70 paiyzy demarkatsiiadan, iaǵni shegendeýden ótken. Endi qalǵan 30 paiyzy taýly aimaqta ornalasqan. Bul taǵy 2-3 jyldai ýaqytty alady. Árine, eki jaqtan mejeleý protsesi bitken. Shekara qai jerden ótetinin naqty bilip otyrmyz. Tek shegendeý protsesi qaldy», - dedi Muhtar Tileýberdi.
Sonymen qatar ol Kaspii teńizindegi shekara máselesine qatysty pikir bildirdi.
«Týra osyndai shartty Reseimen daiyndap otyrmyz. Kaspii teńiziniń jaǵalaýyndaǵy 5 memleket bastapqy tik syzyqtar máselesin talqylap jatyr», - dedi ministr.
