Reseilikterdiń Qazaqstanǵa kelýi eńbek naryǵyna esh júkteme túsirmeidi. Bul týraly Tamara Dúisenova aityp berdi, dep habarlaidy QazAqparat.
«Qazir Qazaqstanǵa kóptegen reseilikter kóship jatyr. Odan bizdegi eńbek naryǵyna júkteme túspei me? Mundai qaýip bar ma?», - degen suraq qoidy tilshiler ministrge Senat kýlýarynda.
Óz kezeginde, Tamara Dúisenova esh qaýip joq ekenin aitty.
«Ózderińiz bilesizder, bizde EAEO jumys istep jatyr, eshqandai ruqsat qajet emes. Uzaq ýaqyttan beri bizdiń jumys kúshimiz Reseige baryp, ol jaqtan jumysshylar osynda kelip júr. Sondyqtan qazir statistika boiynsha kelgen adam sany aitarlyqtai kóp emes. Qazirgi ýaqytta bizdegi eńbek naryǵyna júkteme shetten kelgenderden emes, ózimizdiń eńbekke qabiletti jastarymyzdan túsip otyr», - dep túsindirdi Tamara Dúisenova.
Sonymen birge ministr jumyspen qamtý baǵdarlamalary boiynsha otandyq jastar basymdyq beriletinin aitty.
