رەسەيلٸكتەردٸڭ قازاقستانعا كەلۋٸ ەڭبەك نارىعىنا ەش جٷكتەمە تٷسٸرمەيدٸ. بۇل تۋرالى تامارا دٷيسەنوۆا ايتىپ بەردٸ, دەپ حابارلايدى قازاقپارات.
«قازٸر قازاقستانعا كٶپتەگەن رەسەيلٸكتەر كٶشٸپ جاتىر. ودان بٸزدەگٸ ەڭبەك نارىعىنا جٷكتەمە تٷسپەي مە? مۇنداي قاۋٸپ بار ما?», - دەگەن سۇراق قويدى تٸلشٸلەر مينيسترگە سەنات كۋلۋارىندا.
ٶز كەزەگٸندە, تامارا دٷيسەنوۆا ەش قاۋٸپ جوق ەكەنٸن ايتتى.
«ٶزدەرٸڭٸز بٸلەسٸزدەر, بٸزدە ەاەو جۇمىس ٸستەپ جاتىر, ەشقانداي رۇقسات قاجەت ەمەس. ۇزاق ۋاقىتتان بەرٸ بٸزدٸڭ جۇمىس كٷشٸمٸز رەسەيگە بارىپ, ول جاقتان جۇمىسشىلار وسىندا كەلٸپ جٷر. سوندىقتان قازٸر ستاتيستيكا بويىنشا كەلگەن ادام سانى ايتارلىقتاي كٶپ ەمەس. قازٸرگٸ ۋاقىتتا بٸزدەگٸ ەڭبەك نارىعىنا جٷكتەمە شەتتەن كەلگەندەردەن ەمەس, ٶزٸمٸزدٸڭ ەڭبەككە قابٸلەتتٸ جاستارىمىزدان تٷسٸپ وتىر», - دەپ تٷسٸندٸردٸ تامارا دٷيسەنوۆا.
سونىمەن بٸرگە مينيستر جۇمىسپەن قامتۋ باعدارلامالارى بويىنشا وتاندىق جاستار باسىمدىق بەرٸلەتٸنٸن ايتتى.
