Tsifrlyq damý jáne aeroǵarysh ónerkásibi ministrligi Qazaqstanda jeke sáikestendirý nómirimen (JSN) sheteldikter qandai qyzmetter men fýnktsiialardy ala alatynyn aityp berdi, - dep habarlaidy Tengrinews.kz.
12 tsifrdan turatyn jeke sáikestendirý nómiri jeke tulǵaǵa bir ret jáne ómir boiyna beriledi.
"JSN sheteldik azamatqa qazaqstandyq bailanys operatorynda nómirdi tirkeýge múmkindik beredi, sonymen qatar qarjy operatsiialary, sonyń ishinde aýdarymdardy jáne bank shottardy jáne kartalardy ashý múmkindigin beredi", - dedi ministrlik ókilderi.
JSN sheteldikterge mynadai rásimderdi oryndaýǵa múmkindik beredi:
- eger sheteldik Qazaqstandaǵy kózderden tabys alsa, qazaqstandyq bankterde aǵymdaǵy shot ashý;
- Qazaqstanda salyq salynatyn múlikti, mysaly, avtokólikti satyp alý;
- Qazaqstan rezidentteri sanalatyn zańdy tulǵalardyń basshylary taǵaiyndaǵan kezde;
- beirezidentti zańdy tulǵalar filialdarynyń, ókildikteriniń basshylary taǵaiyndaǵan kezde.
"Jalpy JSN eńbek shartyn jasasý, qyzmet kórsetýge qarajat alý, salyq deklaratsiiasyn tapsyrý, banktik jáne basqa da operatsiialardy oryndaý úshin qajet. JSN alý protsesi barlyq shetel azamaty úshin birdei, kez kelgen sheteldik azamat óziniń jeke basyn kýálandyratyn qujatpen, iaǵni tólqujatpen kelýi kerek", - dep tolyqtyrdy ministrlik ókilderi.
Pasportta kirillitsa nemese latyn álipbii bolmaǵan jaǵdaida tólqujattyń notarialdy kýálandyrylǵan aýdarmasy qajet ekeni habarlandy.
