تسيفرلىق دامۋ جەنە اەروعارىش ٶنەركەسٸبٸ مينيسترلٸگٸ قازاقستاندا جەكە سەيكەستەندٸرۋ نٶمٸرٸمەن (جسن) شەتەلدٸكتەر قانداي قىزمەتتەر مەن فۋنكتسييالاردى الا الاتىنىن ايتىپ بەردٸ, - دەپ حابارلايدى Tengrinews.kz.
12 تسيفردان تۇراتىن جەكە سەيكەستەندٸرۋ نٶمٸرٸ جەكە تۇلعاعا بٸر رەت جەنە ٶمٸر بويىنا بەرٸلەدٸ.
"جسن شەتەلدٸك ازاماتقا قازاقستاندىق بايلانىس وپەراتورىندا نٶمٸردٸ تٸركەۋگە مٷمكٸندٸك بەرەدٸ, سونىمەن قاتار قارجى وپەراتسييالارى, سونىڭ ٸشٸندە اۋدارىمداردى جەنە بانك شوتتاردى جەنە كارتالاردى اشۋ مٷمكٸندٸگٸن بەرەدٸ", - دەدٸ مينيسترلٸك ٶكٸلدەرٸ.
جسن شەتەلدٸكتەرگە مىناداي رەسٸمدەردٸ ورىنداۋعا مٷمكٸندٸك بەرەدٸ:
- ەگەر شەتەلدٸك قازاقستانداعى كٶزدەردەن تابىس السا, قازاقستاندىق بانكتەردە اعىمداعى شوت اشۋ;
- قازاقستاندا سالىق سالىناتىن مٷلٸكتٸ, مىسالى, اۆتوكٶلٸكتٸ ساتىپ الۋ;
- قازاقستان رەزيدەنتتەرٸ سانالاتىن زاڭدى تۇلعالاردىڭ باسشىلارى تاعايىنداعان كەزدە;
- بەيرەزيدەنتتٸ زاڭدى تۇلعالار فيليالدارىنىڭ, ٶكٸلدٸكتەرٸنٸڭ باسشىلارى تاعايىنداعان كەزدە.
"جالپى جسن ەڭبەك شارتىن جاساسۋ, قىزمەت كٶرسەتۋگە قاراجات الۋ, سالىق دەكلاراتسيياسىن تاپسىرۋ, بانكتٸك جەنە باسقا دا وپەراتسييالاردى ورىنداۋ ٷشٸن قاجەت. جسن الۋ پروتسەسٸ بارلىق شەتەل ازاماتى ٷشٸن بٸردەي, كەز كەلگەن شەتەلدٸك ازامات ٶزٸنٸڭ جەكە باسىن كۋەلاندىراتىن قۇجاتپەن, ياعني تٶلقۇجاتپەن كەلۋٸ كەرەك", - دەپ تولىقتىردى مينيسترلٸك ٶكٸلدەرٸ.
پاسپورتتا كيريلليتسا نەمەسە لاتىن ەلٸپبيٸ بولماعان جاعدايدا تٶلقۇجاتتىڭ نوتاريالدى كۋەلاندىرىلعان اۋدارماسى قاجەت ەكەنٸ حابارلاندى.
