Foto:twitter.com/AleAstakhova
Reseilikter Ulybritaniia men Resei astanalarynda ornalasqan Qazaqstan elshilikterine gúl shoqtary men alǵys hattar ákelip jatyr, - dep habarlaidy Tengrinews.kz.
Londonda - Qazaqstannyń Ulybritaniiadaǵy elshiliginde túsirilgen kadrlar áleýmettik jelide tarap jatyr. Ǵimarat Pell-Mell kóshesi boiynda ornalasqan. Jariialanǵan sýretterde, bir aptadan asa reseilikterdi qabyldap jatqan Qazaqstanǵa alǵys retinde elshilikke gúl shoqtaryn, hattar men plakattardy qaldyryp jatqany kórsetilgen. Plakattarda "Kóp rahmet" jáne "Thank you" degen alǵys sózderi bar, sonymen qatar qazaqstandyqtar reseilikterdi qutqaryp jatqany atap ótilgen.
Basqa kadrlarda Qazaqstannyń Reseidegi elshiligi kórsetilgen. Twitter qoldanýshysy Aleksandra Astahova Máskeýde ornalasqan ǵimarat aldynda ne bolyp jatqanyn kórsetti. Ol gúlder men plakat sýretin jariialady: "Qazaqstan! Meiirimdiligiń úshin raqmet! Bizdiń er-azamattardy panalatqanyńa raqmet".
Eske salaiyq, 21 qyrkúiekte Resei prezidenti Vladimir Pýtin ishinara mobilizatsiia jariialaǵany týraly habarlaǵan bolatyn. Osydan keiin biraz reseilik azamat kórshi elderge aǵyla bastady. Olardyń kópshiligi Qazaqstanǵa bet alǵan.
