رەسەيلٸكتەر قازاقستاننىڭ لوندون مەن مەسكەۋدەگٸ ەلشٸلٸگٸنە گٷل شوقتارىن ەكەلٸپ جاتىر

فوتو:twitter.com/AleAstakhova

رەسەيلٸكتەر ۇلىبريتانييا مەن رەسەي استانالارىندا ورنالاسقان قازاقستان ەلشٸلٸكتەرٸنە گٷل شوقتارى مەن العىس حاتتار ەكەلٸپ جاتىر, - دەپ حابارلايدى Tengrinews.kz.

لوندوندا - قازاقستاننىڭ ۇلىبريتانيياداعى ەلشٸلٸگٸندە تٷسٸرٸلگەن كادرلار ەلەۋمەتتٸك جەلٸدە تاراپ جاتىر. عيمارات پەلل-مەلل كٶشەسٸ بويىندا ورنالاسقان. جارييالانعان سۋرەتتەردە, بٸر اپتادان اسا رەسەيلٸكتەردٸ قابىلداپ جاتقان قازاقستانعا العىس رەتٸندە ەلشٸلٸككە گٷل شوقتارىن, حاتتار مەن پلاكاتتاردى قالدىرىپ جاتقانى كٶرسەتٸلگەن. پلاكاتتاردا "كٶپ راحمەت" جەنە "Thank you" دەگەن العىس سٶزدەرٸ بار, سونىمەن قاتار قازاقستاندىقتار رەسەيلٸكتەردٸ قۇتقارىپ جاتقانى اتاپ ٶتٸلگەن.

باسقا كادرلاردا قازاقستاننىڭ رەسەيدەگٸ ەلشٸلٸگٸ كٶرسەتٸلگەن. Twitter قولدانۋشىسى الەكساندرا استاحوۆا مەسكەۋدە ورنالاسقان عيمارات الدىندا نە بولىپ جاتقانىن كٶرسەتتٸ. ول گٷلدەر مەن پلاكات سۋرەتٸن جارييالادى: "قازاقستان! مەيٸرٸمدٸلٸگٸڭ ٷشٸن راقمەت! بٸزدٸڭ ەر-ازاماتتاردى پانالاتقانىڭا راقمەت".

ەسكە سالايىق, 21 قىركٷيەكتە رەسەي پرەزيدەنتٸ ۆلاديمير پۋتين ٸشٸنارا موبيليزاتسييا جارييالاعانى تۋرالى حابارلاعان بولاتىن. وسىدان كەيٸن بٸراز رەسەيلٸك ازامات كٶرشٸ ەلدەرگە اعىلا باستادى. ولاردىڭ كٶپشٸلٸگٸ قازاقستانعا بەت العان.