2003 jyldan beri Qazaqstannan zeinetaqy alyp kelgen RF azamatshasy Lidiia Litvinovaǵa úkim shyqty, dep habarlaidy "Ult aqparat" Qostanai oblystyq sotynyń baspasóz qyzmetine silteme jasap.
«Áiel QR QK 190-baby 3-tarmaǵy 1-bóliginde qarastyrylǵan qylmys jasady dep tanyldy. Oǵan 3 jylǵa bas bostandyǵynan aiyrý jazasy bekitildi. QR QK 63-babyna sáikes, onyń jazasy shartty bolyp taǵaiyndaldy», - dep habarlady sotta.
Litvinova quziretti memorganǵa eskertýsiz turaqty mekenjaiyn aýystyrmaýy tiis jáne ruqsatsyz basqa jerge shyǵýǵa bolmaidy.
«Azamattar úshin úkimet» korporatsiiasynyń materialdyq zalaldy óndirý týraly ótinishi tolyq kólemde qanaǵattandyryldy. Nátijesinde, Litvinova respýblikalyq biýdjetke 3 mln 438 myń 718 teńge tóleidi.
Eske salaiyq, Resei Federatsiiasynyń azamatshasy bótenniń múlkin aldaý arqyly iemdendi dep aiyptaldy.
«Áiel 2000 jyldan bastap RF Cheliabi oblystyq zeinetaqy qorynyń bóliminde esepte tur jáne zeinetaqy alyp kelgen. Iaǵni, ol Qazaqstanda zeinetaqy ala almaidy.
Alaida, 2003 jyly zeinetaqy jasyna jetken soń, L. Litvinova Qostanai oblystyq «Azamattar úshin úkimet» korporatsiiasynyń bólimine oǵan zeinetaqy taǵaiyndaý týraly ótinish bildirgen», - dep habarlady sottyń baspasóz qyzmeti.
Ol zeinetaqyny 2003-2018 jyldary zańsyz alyp kelgen.
